Nandurbar News: खताची टंचाई; खासगी दुकानदारांकडे जास्ती भावाने विक्री

सागर निकवाडे  
नंदूरबार : धडगाव व अक्कलकुवा तालुक्यांमध्ये युरिया खताची टंचाई असून खतांसाठी शेतकी संघात शेतकरी (Farmer) हेलपाटे मारत आहेत. मात्र तेथे खत उपलब्ध नसल्याने खासगी दुकानदारांकडे जास्ती भावाने खत विकत (Akkalkuwa) घेवी लागत आहे. यामुळे शेतकऱ्यांची आर्थिक गणित बिघडलं आहे. (Maharashtra News)

नंदुरबार जिल्ह्यातील धडगाव आणि अक्कलकुवा तालुक्यात चांगला पाऊस होत असल्याने शेती पिकाला मोठा फायदा होत आहे. मात्र तालुक्यांमध्ये खतांची टंचाई निर्माण झाली आहे. नंदुरबार जिल्ह्यात एकीकडे पाऊस नसल्याने पीक वाचवण्यासाठी शेतकरी धडपड करत आहे. तर दुसरीकडे पाऊस असून युरिया खत (fertilizer) नसल्याने फवारणी करण्यासाठी शेतकरी जास्त किमतीने युरिया विकत घेण्याची वेळ आली आहे. 

जिल्ह्यातील शेतकऱ्यांची परिस्थिती संकटात सापडले असल्याचे दिसून येत आहे. धडगाव, अक्कलकुवातील शेतकऱ्यांनी कापूस, मका, भात, मिरची या पिकांची लागवड केली आहे. त्यामुळे युरिया खताची आवश्यकता असताना युरिया खत शेतकी संघ नसल्याने खत उपलब्ध करून देण्याची मागणी शेतकऱ्यांकडून होत आहे.