Nandurbar News : काही भाग दुष्काळाच्या यादीतून वगळल्याने शिवसेना आक्रमक; रस्त्यावर उतरण्याच्या दिला इशारा

सागर निकवाडे 
नंदूरबार : यंदा राज्यातील अनेक भागात पावसाचे प्रमाण कमी राहिले आहे. यामुळे दुष्काळ सदृश्य परिस्थिती निर्माण झाली आहे. त्यानुसार राज्य सरकारने दुष्काळ जाहीर केला आहे. मात्र अनेक भाग दुष्काळाच्या यादीतून वगळण्यात आला आहे. (Nandurbar) नंदुरबार जिल्ह्यात देखील काही भाग वगळला आहे. या कारणाने उद्धव ठाकरे शिवसेना (Shivsena) आक्रमक झाली असून आंदोलनाचा इशारा दिला आहे. (Live Marathi News)

नंदुरबार जिल्ह्यात सुरुवातीला पाऊस पडला. मात्र मध्यंतरी मोठा खंड पडला होता. तर शेवटी काही प्रमाणावर पाऊस पडला. त्यामुळे सुरुवातीला आणि शेवटी पडलेला पावसामुळे शासनाने नंदुरबार जिल्ह्याकडे दुर्लक्ष केलं आहे. जिल्ह्यात आतापासूनच पाण्यासाठी टँकरची गरज पडत आहे, मग दुष्काळ का नाही? नंदुरबार जिल्ह्यात १०० टक्के दुष्काळ जाहीर करावा अन्यथा शिवसेना शेतकऱ्यांच्या बाजूने रस्त्यावर उतरल्याशिवाय राहणार नाही; असा इशारा आमदार आमाशय पाडवी यांनी दिला.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

नंदुरबार जिल्ह्यात नंदुरबार, शहादा आणि तळोदा या तालुक्यातील काही मंडळ दुष्काळग्रस्त जाहीर केले आहेत. परंतु अनेक भागात अजूनही दुष्काळ सदृश्य परिस्थिती असताना देखील शासनाने दुष्काळ जाहीर केलेला नाही. सरकार फक्त गाजावाजा करत असल्याचे काम करत आहे. मात्र शेतकऱ्यांच्या बाजूने कुठेही उभी राहत नसल्याच्या आरोप ठाकरे गटाचे आमदार आमशा पाडवी यांनी केला आहे.