Nandurbar News: कापसाची आवक वाढली; नंदुरबार जिल्‍ह्यात ७५ हजार क्विंटल कापसाची खरेदी

सागर निकवाडे

नंदूरबार : नंदुरबार जिल्ह्यात यावर्षी कापसाची आवक (Nandurbar News) चांगलीच वाढली आहे. यावर्षी मागील वर्षापेक्षा तुलनेत यावर्षी ३० ते ३५ टक्क्यांनी कापसाची (Cotton) आवक वाढली आहे. तर हंगाम अजूनही सुरू असल्याने आवक अजूनही वाढण्याची शक्यता वर्तवण्यात आलेली आहे. (Latest Marathi News)

नंदुरबार जिल्ह्यात मागच्या हंगामात आतापर्यंत कापसाने ५५ हजार क्विंटल कापसाची खरेदी झाली होती. मात्र यावर्षी आतापर्यंत ७५ हजार क्विंटल कापसाची खरेदी झाली आहे. हा हंगाम अजून काही दिवस सुरू राहणार असल्याने कापसाची आवक मोठ्या प्रमाणावर येणार आहे. कापसाला सुरुवातीला बारा हजार पर्यंतच्या चांगला भाव मिळाला होता. मात्र नंतर कापसाच्या भाव घसरल्याने अनेक शेतकऱ्यांनी (farmer) कापूस घरातच साठवणूक करून ठेवला होता. परंतु हा कापूस आता विक्रीसाठी बाजार समिती त येत आहे. त्यामुळे यावर्षी विक्रमी आवक होण्याची शक्यता कृषी उत्पन्न बाजार समितीकडून वर्तवण्यात आलेली आहे.

यावर्षी अवकाळी पावसाने हजेरी लावल्यामुळे काही प्रमाणावर कापसाच्या उत्पन्नात घट होणार असा अंदाज व्यक्त करण्यात आला होता. परंतु आवक यावर्षी चांगलीच वाढली आहे. तर कापसाला सध्या समाधानकारक भाव मिळत असल्याने शेतकऱ्यांमध्ये समाधानाचे वातावरण निर्माण झालं आहे.