Kalyan Crime News: मुलीची छेड काढल्याच्या वादातून दोन गटात राडा; कल्याण आंबिवली परिसरात धक्कादायक प्रकार

अभिजीत देशमुख

कल्याण : मुलीची छेड काढल्याचा वादातून दोन गटात जोरदार राडा झाल्याचे धक्कादायक घटना (Kalyan) कल्याणमधील आंबिवली (Ambivali) परिसरात मंगळवारी रात्रीच्या सुमारास घडली. या राड्याचे व्हिडियो व्हायरल झालेत. या राड्यामुळे परिसरात तणावाचं वातावरण निर्माण झाले होते. (Breaking Marathi News)

कल्याणजवळील आंबिवली परिसरात काही दिवसांपूर्वी एका मुलीची छेड काढल्याचा आरोप एका गटाने दुसऱ्या गटातील मुलावर केला होता. याच कारणावरून मंगळवारी रात्रीच्या सुमारास या दोन्ही गटात रात्रीच्या सुमाराचा वाद सुरू झाला. काही वेळातच या वादाचं पर्यावसन हाणामारीत झाले. दोन्ही गटात तुफान हाणामारी झाली.

दोन गट आपसात भिडल्‍याने परिसरात तणावाची परिस्थिती निर्माण झाली होती. सदर घटनेची माहिती मिळताच खडकपाडा पोलिसांनी घटनास्थळी धाव घेत परिस्थिती नियंत्रणात आणली. याप्रकरणी खडकपाडा पोलिसांनी पुढील तपास सुरू केला आहे.