Papaya Crop : पपईवर मोझॅक रोगाचा प्रादुर्भाव; काढणीच्या वेळेस रोग आल्याने शेतकरी संकटात

सागर निकवाडे 

नंदुरबार : यंदा बळीराजा कोणत्या ना कोणत्या संकटात सापडला आहे. पावसाळ्यात सततच्या पावसामुळे पिकांचे मोठ्या प्रमाणात नुकसान झाले. यानंतर पिकांवर रोगांचा मोठ्या प्रमाणात प्रादुर्भाव पाहण्यास मिळाला. त्यानुसार आता काढणीवर आलेल्या पपई पिकावर मोझॅक रोगाचा प्रादुर्भाव पडला आहे. परिणामी पपई उत्पादक शेतकरी देखील संकटात सापडला आहे. 

नंदुरबार (Nandurbar) जिल्ह्यात मोठ्या प्रमाणावर पपईची लागवड करण्यात येत असते. खरीप हंगामात दहा हजार हेक्टर पेक्षा अधिक क्षेत्रावर पपईची लागवड करण्यात आली आहे. मात्र पपई पिकावर मोझॅक रोगाच्या प्रादुर्भाव झाल्याने शेतकरी हवालदिल झाला आहे. (Papaya Crop) पपई पीक ऐन काढणीच्या वेळेस पपईवर रोगाच्या प्रादुर्भाव झाला आहे. शेतकऱ्याने मोठ्या कष्टाने जगवले आहेत. यावर्षी पाऊस सोबतच कोणाच्या देखील तडाका वाढत आहे. त्यामुळे निसर्गाशी दोन हात करत शेतकऱ्यांनी आपलं एका जगवले आहेत.  

मात्र रोगाच्या पादुर्भावामुळे शेतकरी आता आर्थिक अडचणीत सापडला असून या अडचणीतून मार्ग कसा काढावा असा प्रश्न आता बळीराजा समोर उपस्थित झाला आहे. हीच परिस्थिती पपई उत्पादक शेतकऱ्यांची झाली आहे. मोझॅक रोगाचा प्रादुर्भाव वाढत असल्याने पपई पिवळी पडत आहे.