Sangli Vidhan Sabha : सांगलीत काँग्रेससमोर उमेदवारीचा पेच; जयश्री पाटील उमेदवारीवर ठाम!

सांगली : सांगली विधानसभेसाठी काँग्रेसमध्ये जोरदार रस्सीखेच सुरू आहे. यात माजी मंत्री स्व. मदन पाटील यांच्या पत्नी आणि जिल्हा मध्यवर्ती बँकेच्या संचालक उपाध्यक्ष जयश्री पाटील या मागे हटण्यास तयार नाहीत. त्यामुळे या ठिकाणी काँग्रेसचे शहर जिल्हाध्यक्ष पृथ्वीराज पाटील यांच्या उमेदवारीबाबत पेच निर्माण झाला आहे. 

विधानसभा निवडणुकीचा (Vidhan Sabha Election) बिगुल वाजल्यानंतर इच्छुक उमेदवारांची जोरदार तयारी सुरु झाली आहे. दरम्यान पक्षांकडून देखील चाचपणी करत उमेदवारांचे नाव निश्चित करण्यावर काम सुरु आहे. दरम्यान (sangli) सांगली विधानसभेसाठी उमेदवार निवडीवरून काँग्रेससमोर मोठा पेच निर्माण झाला आहे. उमेदवारीबाबत खासदार विशाल पाटील यांच्या घरी विश्वजीत कदम यांच्या उपस्थितीत पार पडलेल्या बैठकीमध्ये जयश्री पाटील गटाकडून आक्रमक भूमिका घेण्यात आली आहे.  

जवळपास जयश्री पाटील यांचे नाव निश्चित 

दरम्यान खासदार विशाल पाटील आणि आमदार विश्वजीत कदम यांच्याकडूनही जयश्री पाटील यांच्या उमेदवारीला ग्रीन सिग्नल देण्यात आल्याचे मदन पाटील गटाच्या कार्यकर्त्यांकडून सांगण्यात येत आहे. त्यामुळे जयश्री पाटील यांना उमेदवारी मिळण्याची दाट शक्यता पाटील गटाकडून व्यक्त करण्यात येत आहे. वसंतदादा घराण्याच्या सून आणि महापालिका क्षेत्रातील मदन पाटील गट त्याच बरोबर खासदार विशाल पाटील यांचा पाठिंबा, शिवाय विश्वजित कदम यांच्या जवळच्या नातेवाईक यामुळे जयश्री पाटील यांची उमेदवारी निश्चित मानली जात आहे. त्यामुळे पृथ्वीराज पाटलांच्या उमेदवारीचा पत्ता कट होण्याची चर्चा सुरू झाली आहे.