Red Chillie : अवकाळी पावसाची भीती; झाकून ठेवलेल्या मिरचीला कीड लागण्याची शक्यता

सागर निकवाडे 

नंदुरबार : हवामान विभागाकडून राज्यात अवकाळी पावसाची शक्यता वर्तविण्यात आली आहे. काही भागात अवकाळी पाऊस (Rain) देखील झाला असून या पावसाच्या भीतीने मिरची उत्पादक अडचणीत (Nandurbar) सापडला आहे. तोडून ठेवलेली लाल मिरची झाकून ठेवावी लागली आहे. यामुळे मिरचीला कीड लागण्याची देखील शक्यता निर्माण झाली आहे. (Maharashtra News)

हवामान विभागाने वर्तविलेल्या अवकाळी पावसाच्या अंदाजानानंतर नंदुरबार जिल्ह्यात गेल्या दोन दिवसांपासून ढगाळ वातावरण निर्माण झाले आहे. वातावरणात अचानक झालेल्या या बदल्यामुळे गारठा वाढला असून थंडीचे प्रमाण देखील वाढले आहे. वातावरणामुळे गहू, हरभरा तसेच मिरची पिकावर परिणाम होण्याची शक्यता असून नंदुरबार जिल्ह्यातील मिरची व्यापारांची अडचण झालेली आहे. मिरचीचा तोडा मोठ्या प्रमाणात झाला असून मार्केटमध्ये देखील मिरची असून (Farmer) शेतकऱ्यांनी मिरची तोडून ठेवलेली आहे.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सर्व मिरची ठेवली झाकून 

पावसाची शक्यता वर्तविण्यात आली आहे. या पावसाच्या भीतीने मिरची पथार्‍यावर झाकल्या आहेत. ढगाळ वातावरण असून त्यात दमटपणा निर्माण होऊन मिरचीला कीड लागण्याची शक्यता व्यापारांकडून वर्तवण्यात येत आहे.