Cotton Price: शेतकऱ्यांना कापसाच्या दरवाढीची प्रतीक्षा; खरेदी केंद्रांवर शेतकऱ्यांचा अत्यल्प प्रतिसाद

सागर निकवाडे 

नंदूरबार : भाववाढीच्या अपेक्षेने अनेकांच्या घरात गतवर्षीचा कापूस पडून असताना नवीन कापूस देखील येऊ लागला आहे. परंतु यंदा (Cotton Price) कापूस उत्पादन कमी असल्याने कापसाचे भाव वाढतील अशी अपेक्षा शेतकऱ्यांना आहे. यामुळे (Nandurbar) नंदुरबार व शहादा बाजार समितीच्या कापूस खरेदी केंद्रांवर शेतकऱ्यांचा प्रतिसाद अल्प दिसून येत आहे. (Latest Marathi News)

नंदुरबार जिल्ह्यात अजून शासकीय कापूस खरेदी केंद्र सुरू झाली नसली तरी नंदुरबार आणि शहादा बाजार समितीच्यावतीने कापूस खरेदीला सुरुवात झाली आहे. बाजार समितीचा कापूस खरेदी केंद्रांना शेतकऱ्यांच्या प्रतिसाद मिळत नसल्याचे चित्र सध्या आहे. कापसाच्या दरात वाढ होण्याची अपेक्षा असल्याने शेतकरी (Farmer) कापूस विक्रीसाठी आणत नसल्याचे चित्र आहे. आठ दिवसापूर्वी सुरू झालेल्या कापूस खरेदी केंद्रात नंदुरबार बाजार समितीच्या कापूस खरेदी केंद्रावर दहा हजार क्विंटल तर शहादा कृषी उत्पन्न बाजार समितीच्या कापूस खरेदी केंद्रावर सात दिवसात सात हजार क्विंटल कापसाचे आवक झाली आहे.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

बाजार समितीमध्ये कापसाला प्रतवारीनुसार भाव मिळत असून ६ हजार ८५० ते ७ हजार ५०० पर्यंत कापसाला दर मिळत असल्याचे चित्र आहे. कापसाचे दर वाढतील असा अंदाज व्यापारी आणि शेतकऱ्यांकडून व्यक्त केला जात असल्याने बाजार समितीच्या कापूस खरेदी केंद्रांना शेतकऱ्यांचा पाहिजे तसा प्रतिसाद मिळत नसल्याचे चित्र नंदुरबार जिल्ह्यात पाहण्यास मिळत आहे.