Nandurbar News: शेती माल खरेदी होत नसल्याने शेतकरी आक्रमक; सोयाबीन खरेदीसाठी बाजार समितीच्या आवारातच उपोषण

सागर निकवाडे 
नंदूरबार : नंदुरबार जिल्ह्यातील धडगाव कृषी उत्पन्न बाजार समितीत शेतकऱ्यांचा माल खरेदी केला (Nandurbar) जात नाही. माळ खरेदी होत नसल्याने शेतकरी (Farmer) आता चांगलाच आक्रमक झाला असून सोयाबीन खरेदी होत नसल्याने शेतकऱ्यांनी उपोषणाला सुरवात केली आहे. (Breaking Marathi News)

व्यापारी हे शेतकऱ्यांचा कृषी उत्पन्न बाजार समितीत खरेदी न करता धडगाव शहरात खरेदी करतात. यामुळे शेतकऱ्यांची आर्थिक फसवणूक होत असल्याचाही आरोप शेतकऱ्यांच्या वतीने करण्यात येत आहेत. धडगाव कृषी उत्पन्न बाजार समितीत व्यापाऱ्यांसाठी मूलभूत सुविधा नसल्यामुळे यासोबतच धान्य साठवून ठेवायला गोडाऊन नसल्याने घाणीचे साम्राज्य असल्याने व्यापाऱ्यांना मोठ्या अडचणीला सामोरं जावं लागत असते.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

तोपर्यंत उपोषण सुरूच राहणार 

शासनाचा हमीभावाप्रमाणे (Soyabean) सोयाबीन खरेदी जोपर्यंत होत नाही; सर्वसामान्य शेतकऱ्यांना त्यांच्या मालाचा मोबदला जोपर्यंत मिळत नाही तोपर्यंत उपोषण सोडणार नसल्याची प्रतिक्रिया शेतकऱ्यांच्या वतीने देण्यात आले आहे. मात्र येत्या दोन दिवसात धडगाव (Bajar Samiti) बाजार समितीत लिलाव चालू करणार असल्याचे माहिती व्यापाऱ्यांच्या वतीने देण्यात आले आहे.