Nandurbar News: पाऊस नसल्याने ३ तालुक्यात दुष्काळी परिस्थिती; नंदुरबार जिल्ह्यात शेतकऱ्यांपुढे संकट

सागर निकवाडे 
नंदूरबार : राज्यातील अनेक भागात पावसाने पाठ फिरवली आहे. पावसाअभावी शेतकरी संकटात सापडला आहे. यात (Nandurbar) नंदुरबार जिल्ह्यात यंदा मुबलक पाऊस न झाल्याने तीन तालुक्यात दुष्काळी परिस्थिती निर्माण झाली आहे. अशा परिस्थितीत (Farmer) शेतकरी आर्थिक संकटात सापडला आहे. (Tajya Batmya)

नंदुरबार जिल्ह्यात यंदाचा पावसाळा संपत आला तरी देखील समाधानकारक पाऊस झालेला नाही. यामुळे जिल्ह्यातील तीन तालुक्यात दुष्काळाचे परिस्थिती निर्माण झाली आहे. जिल्ह्यात सरासरी कमी पाऊस (Rain) झाल्याने शेतकऱ्यांच्या प्रचंड नुकसान झालं आहे त्यामुळे मायबाप सरकारने शेतकऱ्यांच्या हिताच्या निर्णय घेऊन शेतकऱ्यांना मदत करावी अशी मागणी जिल्ह्यातील शेतकऱ्यांकडून करण्यात येत आहे.

खरीप हंगामाचा आढावा घेऊनच पैसेवारी ठरवा 

दुष्काळाची परिस्थिती असताना प्रशासनाने जिल्ह्यात हंगामी पैसेवारी ५० टक्के पेक्षा अधिक जाहीर केली होती. त्यामुळे शेतकऱ्यांमध्ये रोष असून सुधारित पैसेवारी जाहीर करताना खरीप हंगामाचा आढावा घेऊनच ती जाहीर करायला हवी अशी मागणी शेतकऱ्यांकडून करण्यात येत आहे.