Nashik: लासलगावसह नाशकातील बाजार समितीचे कांदा लिलाव ठप्प; हमाली, तोलाई, भराई कपातीचा निर्णय लांबला

- अजय साेनवणे

Nashik :

कृषी उत्पन्न बाजार समितीत शेतकरी वर्गाच्या हिशोब पट्टीतून हमाली, तोलाई, वराई कपाती संदर्भात व्यापारी वर्ग व हमाल-मापारी प्रतिनिधी यांच्या समवेत झालेल्या बैठकीत कुठलाही तोडगा निघाली नाही. यामुळे हमाल-मापारी यांनी बाजार समितीला पत्र देत बाजार समिती बंद ठेवण्याचा निर्णय घेतला. (Maharashtra News)

नाशिक जिल्ह्यातील लासलगावसह जिल्ह्यातील बहुतांश बाजार समितीत मध्ये कांद्याचे लिलाव बंद आहेत. नो वर्क नो वेजेस आदेशाची तातडीने अंमलबजावणी करावी अशी मागणी शेतक-यांनी बाजार समिती प्रशासनाकडे केली होती.

यासंदर्भात व्यापारी व हमाल-मापारी प्रतिनिधी यांच्यात बैठक झाली. त्यात कुठलाही ठोस निर्णय होऊ शकला नाही. त्यामुळे बाजार समितीत लिलाव प्रक्रियेत कुठलाही अडथळा निर्माण होऊ नये व शेतक-यांचे गैरसोय होऊ नये यासाठी पुढील आदेशा पर्यंत बाजार समिती बंद राहणार आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar