Kolhapur News : पंचगंगा, भोगावती नद्यांच्या दोन्ही तीरावर शेतीसाठी उपसाबंदी; पाटबंधारे विभागाने काढला आदेश

रणजीत माजगावकर

कोल्हापूर : कोल्हापूर जिल्ह्यातील पंचगंगा आणि भोगावती नद्यांच्या दोन्ही तीरावरील भागात रब्बी हंगाम २०२३-२४ मधील कालावधीत शेतीसाठी पाणी उपसा बंदी करण्यात आली आहे. आजपासून उपसा यंत्रावर (Kolhapur) कोल्हापूर पाटबंधारे विभागाच्या (उत्तर) कार्यकारी अभियंता स्मिता माने यांनी उपसाबंदीचे आदेश जारी केले आहेत. ही बंदी आजपासून लागू करण्यात आली आहे. (Live Marathi News)

पंचगंगा (Panchaganga) व भोगावती नद्यांच्या दोन्ही क्षेत्रात शेतीसाठी पाणी उपसा करणाऱ्या उपसा यंत्रांवर २ ते ५ फेब्रुवारी दरम्यान उपसाबंदी करण्यात आली आहे. यात कोल्हापुरातील राधानगरी धरणापासून ते शिंगणापूर कोल्हापूर पध्दतीच्या बंधाऱ्यापर्यंतच्या भोगावती नदीवरील दोन्ही तीरावरील भाग तर कासारी नदीवरील दोन्ही तीरावर आणि कुंभी नदीवरील दोन्ही तीरावर पंचगंगा व भोगावती नदीवरील भागात ‍मिळणाऱ्या सर्व ओढ्या व नाल्यावरील पाणीफुगीच्या दोन्ही तीरावरील भागात २ ते ३ फेब्रुवारी २०२४ या दोन दिवसांसाठी उपसाबंदी करण्यात आली आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

तसेच पंचगंगा नदीवरील ‍शिंगणापूर, कोल्हापूर पध्दतीच्या बंधाऱ्याखाली ते शिरोळ कोल्हापूर पध्दतीच्या बंधाऱ्यापर्यंत दोन्ही तिरावरील भाग तसेच पंचगंगा नदीवरील भागात ‍मिळणाऱ्या सर्व ओढ्या व नाल्यावरील पाणीफुगीच्या दोन्ही तीरावरील भागात दिनांक ४ ते ५ फेब्रुवारी या दोन दिवसांसाठी उपसाबंदी करण्यात आली आहे.

तर उपसा परवाना करणार रद्द 

उपसाबंदी कालावधीत अनाधिकृत उपसा आढळून आल्यास संबंधित उपसायंत्र जप्त करुन परवाना धारकाचा उपसा परवाना १ वर्षाच्या कालावधीसाठी रदद् करण्यात येईल. तसेच होणाऱ्या नुकसानीस पाटबंधारे खाते जबाबदार राहणार नसल्याचे प्रसिद्धी पत्रकात म्हटले आहे.