Parola News : कर्जफेडीच्या विवंचनेत शेतकऱ्याने संपविले जीवन

पारोळा (जळगाव) : डोक्यावर कर्जाचा बोजा असताना शेतातून अपेक्षित उत्पन्न आले नाही. यामुळे कर्ज कसे फेडायचे या विवंचनेत पारोळा तालुक्यातील टोळी येथील कर्जबाजारी तरुण शेतकऱ्याने टोकाचे पाऊल उचलले. शेतात जाऊन विषारी द्रव्य प्राशन करून आत्महत्या केल्याची घटना घडली. 

पारोळा (Parola News) तालुक्यातील टोळी येथील शेतकरी विजय रामचंद्र पाटील (वय ३६) असे मयत तरुण शेतकऱ्याचे नाव आहे. माजी सरपंच स्वाती विजय पाटील यांचे पती होत. दरम्यान विजय पाटील यांचे टोळी शिवारातील स्वतःच्या शेत आहे. शेतीसाठी त्यांनी बँक व विकास सोसायटीकडून कर्ज घेतले (Farmer) होते. मात्र शेतातून अपेक्षित उत्पन्न न आल्याने कर्ज कसे फेडायचे या विवंचनेत ते होते; यातूनच त्यांनी टोकाचे पाऊल उचलल्याचे नातेवाईकांनी सांगितले. 

विजय पाटील १७ नोव्हेंबरला शेतात जाऊन विषारी द्रव्य प्राशन केले. त्यांना अत्यवस्थ वाटू लागल्याने नातेवाईकांनी त्यांना पारोळा कुटीर रुग्णालय येथे दाखल करण्यात आले होते. मात्र त्यांचा उपचारादरम्यान आज सकाळी ११ वाजता मृत्यू झाला. याबाबत पारोळा पोलीस ठाण्यात खबर दिल्यावरून अकस्मात मृत्यूची नोंद करण्यात आली असून पुढील तपास पोलीस करीत आहेत.