जळगाव जिल्‍ह्यात पावसाळी वातावरण; जोरदार वाऱ्याने दादर पडली

जळगाव : हवामान विभागाच्‍या अंदाजानुसार राज्‍यात अनेक ठिकाणी पाऊस व गारपीट झाली. त्‍यानुसार खानदेशात देखील मंगळवारी (२८ डिसेंबर) ढगाळ वातावरण होवून जोरदार वारे वाहू लागले. यामुळे निसवणीला आलेली दादर आडवी झाली आहे. शिवाय पावसाळी वातावरण तयार झाले असून, शेतकरी चिंतेत पडला आहे. (jalgaon-news-Rainy-weather-in-Jalgaon-district-A-strong-wind-blew)

राज्यातील अनेक भागात मंगळवारी गारपीटसह पाऊस (Rain) झाला. मात्र खानदेशात कुठेही पाऊस झाला नाही. दुपारी मात्र जोरदार वारा सुटला. यात दादर ज्वारी आडवी होवून पिकाचे नुकसान झाले आहे. ऑक्टोबरमध्ये पेरलेली ज्वारी निसवणीवर आहे. या ज्वारीची वाढ सात ते नऊ फूट एवढी झाली आहे. कोरडवाहू क्षेत्रात पीक आडवे झाले असून, शेतकरी चिंतेत आहेत.

वाऱ्यामुळे गारवा

दादर ज्वारीची पेरणी जळगाव (Jalgaon) जिल्ह्यात चोपडा, अमळनेर, चाळीसगाव, भडगाव, पाचोरा, जळगाव आदी भागात अधिक झाली आहे. तसेच धुळ्यात (Dhule) शिंदखेडा, शिरपूर, नंदुरबारात (Nandurbar) शहादा भागात अधिकची दादर ज्वारी आहे. मंगळवारी रात्री ढगाळ व थंड वातावरण होते. आज सकाळपासूनच वारा असून ढगाळ वातावरण आहे. जोरदार वाऱ्यामुळे हवेत गारठा निर्माण झाला आहे.