Unseasonal Rain : सलग चौथ्या दिवशी विजांच्या कडकडाटासह अवकाळी पाऊस; गोंदियात फळ भाज्यांसह धान पिकाचे नुकसान

शुभम देशमुख 

गोंदिया : मागील काही दिवसांपासून राज्यात अवकाळी पाऊस होत आहे. दरम्यान गोंदिया जिल्ह्यात सलग चौथ्या दिवशी विजांच्या कडकडाटासह अवकाळी पावसाने (Rain) जोरदार हजेरी लावली. यामुळे (Gondia) शेती पिकांचे मोठ्या प्रमाणात नुकसान झाले आहे. विशेष करून फळ, भाज्यांसह धान पिकांचे नुकसान झाले आहे. (Latest Marathi News)

राज्यात अवकाळी पावसाचा अंदाज हवामान विभागाने वर्तविला आहे. त्यानुसार तीन- चार दिवसांपासून विविध भागात अवकाळीने हजेरी लावली आहे. त्यानुसार हवामान विभागाने वर्तविलेल्या अंदाजानुसार गोंदियात विजांचा कडकडाट आणि वादळी वाऱ्यासह अवकाळी पावसाने दमदार हजेरी लावली आहे. सलग तीन दिवसांपासून वादळी वाऱ्यासह अवकाळी पाऊस पडत असल्याने शेतकरी (Farmer) अक्षरशः हवालदिल झाला आहे. जोरदार वाऱ्यामुळे देखील नुकसान झाले आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

फळभाजी, पिकांचे नुकसान 

गोंदिया जिल्ह्यात होत असलेल्या वादळी वारा तसेच अवकाळी पावसामुळे शेतकरी संकटात सापडला आहे. जोरदार वर असल्यामुळे आंब्याचा बहर गाळून पडत आहे. तर पावसामुळे शेतात उभ्या असलेल्या पिकासह फळभाजी आणि धान पिकाला याचा मोठा फटका बसला आहे.