Unseasonal Rain : अकोट तालुक्यात गारपिटीचा तडाखा; शेतकऱ्यांचे मोठे नुकसान

अक्षय गवळी 

अकोला : राज्यात अवकाळी पावसाचे थैमान अजूनही सुरूच आहे. या दरम्यान आज (Akola) अकोला जिल्ह्यातील अकोट तालुक्यात मोठ्या प्रमाणात गारपिट झाली आहे. सोबतच अवकाळी पावसाने (Rain) चांगलंच झोड़पले आहे. यामुळे शेतकऱ्यांचे प्रचंड नुकसान झाले आहे. (Latest Marathi News)

मागील दोन दिवसांपासून राज्यातील विविध भागात अवकाळी पावसाचे आगमन होत आहे. तर हवामान विभागाने अकोल्यासह विदर्भातील काही जिल्ह्यांना पावसाचा अंदाज वर्तविला होता. त्यानूसार आज अकोला जिल्ह्यातील अकोट, बाळापुर आणि तेल्हारा सोबत (Barshi) बार्शी टाकळी तालुक्यात दुपारच्या सुमारास अवकाळी पावसाने हजेरी लावली आहे. तर अकोट तालुक्यात मोठी गारपिट झाली आहे. जोरदार वाऱ्यासह अवकाळी पाऊस तर (Akot) अकोट तालुक्यातील अनेक गावांना गारपिटीचा तडाखा बसला आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दरम्यान आधीच अवकाळी पावसामुळे संकटात सापडलेला (Farmer) शेतकरी पुन्हा एकदा आजच्या पावसाने आणि गारपिटीनं हतबल झाला आहे. दरम्यान अकोला तालुक्यातील शेतकऱ्यांचे देखील मोठे नुकसान झाल्याचं अनुमान लावला जात आहे. एकंदरीत आकोट तालुक्यात शेतकऱ्यांच्या फळबागाला मोठा फटका बसला. तर दुसरीकडे वाढत्या उन्हाच्या तापमानात आजचा पाऊस अकोलेकरांना काहिसा दिलासादायक ठरणार आहे.