Dhule News: शेतकऱ्याने तापी नदीत उडी मारत संपविले जीवन

Shirpur News शेतकऱ्याने तापी नदीत उडी मारत संपविले जीवन
Dhule News
Dhule NewsSaam tv

शिरपूर (धुळे)  : सावळदे (ता. शिरपूर) येथील पुलावरून तापी नदीत उडी टाकत वृद्ध शेतकऱ्याने (Farmer) आत्महत्या केली. ही घटना २९ ऑगस्टला दुपारी घडली. (Dhule) रात्री उशिरा शेतकऱ्याचा मृतदेह बाहेर काढण्यात आला. (Breaking Marathi News)

Dhule News
Wardha News: सोयाबीन पिवळे पडत असल्याने नुकसान; बीआरएसची तहसीलवर धडक, ५० हजार रुपये हेक्टरीची मागणी

पुलावरून तापी नदीत उडी टाकताना वृद्धाला महामार्गावरून जाणाऱ्या वाहन चालकांनी पाहिले. त्यांनी आरडाओरडाही केला. मात्र त्याच्यापर्यंत पोचण्याच्या आतच वृद्धाने नदीत उडी टाकली. मंगळवारी दुपारी तीनला ही घटना घडली. त्यानंतर पोलिसांना सूचित करण्यात आले. त्यांनी सावळदे येथील मच्छीमारांच्या मदतीने नदीपात्रात शोधमोहीम सुरू केली. 

Dhule News
Kalyan News: मुंबई पोलिसांच्या पथकावर दगडफेक; नागरिकांची लूट करणाऱ्याना ताब्यात घेताना विरोध

दरम्यान, पुलावर वृद्धाचे मतदान ओळखपत्र व टोपी आढळली. त्यावरून मृत शेतकरी चिंधू दामू चौधरी (वय ७३) असून ते भोरटेक (ता. शिरपूर) येथील रहिवासी असल्याचे निष्पन्न झाले. रात्री उशिरापर्यंत शोध सुरू ठेवल्यानंतर मृतदेह बाहेर काढण्यात यश आले. पोलिसांनी मृतदेह उपजिल्हा रुग्णालयात दाखल केला. शहर पोलिसांनी आकस्मिक मृत्यूची नोंद केली. आत्महत्येमागील कारण समजू शकले नाही. हवालदार प्रमोद ईशी तपास करीत आहेत.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com