Shirpur News : शिरपूर तालुक्यात अजूनही दमदार पावसाची प्रतीक्षा; पेरण्या खोळंबल्या

Dhule News : हवामान विभागातर्फे समाधानकारक पावसाचा अंदाज वर्तविण्यात आला होता. तसेच वेळेपूर्वीच मान्सून दाखल होईल; असा देखील अंदाज व्यक्त करण्यात आला होता
Shirpur News
Shirpur NewsSaam tv

धुळे : राज्यात मान्सूनचे आगमन झाले असून राज्यातील बहुतांश भागात दमदार पाऊस झाला आहे. यामुळे शेतकऱ्यांनी खरिपाच्या पेरण्या देखील केल्या आहेत. मात्र धुळे जिल्ह्यातील शिरपूर तालुक्यात अजूनही दमदार पावसाची प्रतीक्षा आहे. परिणामी पेरण्या राखलेल्या असून शेतकऱ्यांच्या नजरा आकाशाकडे लागून आहेत. 

Shirpur News
Nashik News : रानडुकरांचा हैदोस; २० एकरात टाकलेले मका बियाणांचे केले नुकसान

हवामान विभागातर्फे समाधानकारक पावसाचा अंदाज वर्तविण्यात आला होता. तसेच वेळेपूर्वीच मान्सून दाखल होईल; असा देखील अंदाज व्यक्त करण्यात आला होता. त्या अनुषंगाने शेतकऱ्याने शेती मशागतीची संपूर्ण कामे मोठ्या लगबगीने आटोपली. मात्र शिरपूर तालुक्यामध्ये सुरवातीला पाऊस आला. मात्र नंतर पावसाने दडी मारल्यामुळे शेतकरी राजा चिंतेत सापडला आहे. 

Shirpur News
Shahada Water Shortage : शहाद्यात आठ दिवसानंतर पाणी तेही दूषित; हंडा मोर्चा काढण्याचा महिलांचा इशारा

शिरपूर तालुक्यामध्ये अद्यापही पेरणी लायक पाऊस झाला नसल्यामुळे शेतकऱ्यांच्या पेरण्या खोळंबल्या आहेत. मान्सून पूर्व लागवड करण्यात आलेले पीक देखील कडक उन्हात कोमेजून जात आहेत. पीक जगविण्यासाठी अजूनही शेतकऱ्यांना पाणी भरावे लागत आहे. दरम्यान मान्सूनचा दमदार पावसासाठी बळीराजा प्रतीक्षा करत आहे.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com