Dhule Fire News : भल्या पहाटे शेतकऱ्यावर ओढवले संकट; गोदामाला आग लागून बियाण्यांसह खत, शेतीपयोगी साहित्य जळून खाक

धुळे : शॉक सर्किटमुळे शिरपूर तालुक्यातील जयपूर येथील शेतकऱ्याच्या गोडाऊनला आग लागली. या आगीमध्ये शेतकऱ्याने साठवून ठेवलेला कापूस त्याचबरोबर पेरणीसाठी आणलेली बियाणे, धान्य व साहित्य जळून खाक झाले. यात लाखो रुपयांचे नुकसान झाल्याने शेतकऱ्यास अश्रू अनावर झाले होते.  

पहाटे झोपेतून उठल्यानंतर (farmer) शेतकऱ्याला घराच्या मागील बाजूस असलेल्या गोडाऊनमध्ये हा अग्नी तांडव सुरू असल्याचे लक्षात आले. या नंतर ही आग विझवण्याचा प्रयत्न करण्यात आले. परंतु तोपर्यंत संपूर्ण साहित्य जळून खाक झाले होते. डोळ्यासमोर दोन ट्रॅक्टर, ट्रॉली, मोटरसायकल, चारचाकी वाहन, गहु, मका, कापूस, पेरणीसाठी आणलेली बियाणे, खत यांच्यासह शेती उपयोगी साहित्यांची राखरांगोळी झाली. हे पाहून शेतकऱ्याचे अश्रू अनावर झाले.  

लाखोंचे नुकसान 

शॉर्ट सर्किटमुळे ही आग (Fire) लागली असावी असा प्राथमिक अंदाज व्यक्त करण्यात येत आहे. या आगीमध्ये शेतकऱ्याचे लाखो रुपयांचे नुकसान झाले असून, शेती उपयोगी साहित्यांची राखरांगोळी या आगीत झाली. खरिप हंगामाच्या तोंडावर शेतकऱ्याचे मोठ्या प्रमाणात नुकसान झाले असल्याने प्रशासनाने याची दखल घेऊन शेतकऱ्यास नुकसान भरपाई मिळवून द्यावी; अशी मागणी नुकसानग्रस्त शेतकऱ्यातर्फे करण्यात आली आहे.