Dhule News: वीजबिल थकल्याने ट्रान्स्फॉर्मर सुरू केले नाही; हताश कर्जबाजारी तरुण शेतकऱ्याने उचलले टोकाचे पाऊल

वीजबिल थकल्याने ट्रान्स्फॉर्मर सुरू केले नाही; हताश कर्जबाजारी तरुण शेतकऱ्याने उचलले टोकाचे पाऊल
Dhule News
Dhule NewsSaam tv

न्याहळोद (धुळे) : बँकेचे थकीत कर्ज व वीजबिलही थकल्यामुळे येथील भारत (अमोल) चैत्राम पाटील (वय २६) या तरुण शेतकऱ्याने कीटकनाशक औषध प्राशन करून शेतातच आत्महत्या केली. (Breaking Marathi News)

Dhule News
Jalgaon News: प्रियकरासाठी घर सोडून प्रेयसी आली; लग्‍नाची तयारी सुरू असतानाच आले आई– वडील

पाच-सहा दिवसांपासून ट्रान्स्फॉर्मर बंद असल्याने वीज वितरण कंपनीकडून सूचना देण्यात आली होती. मात्र पैसे नसल्याने ते विजेचे बिल भरू शकले नाही. कपाशी विकल्यावर भरणा करू, अशी विनंतीही त्यांनी केली. तरीही त्यांना तातडीने वीजबिल भरणा करण्यास सांगण्यात आले. त्यातच शेतातले कांदा पीक, मका उन्हाने करपू लागले होते. आधीच कर्जाचा वाढता डोंगर अन् त्यात वीज वितरण विभागाची कारवाई, यामुळे भरतचे मनोबत ढासळले व त्याने त्याच ट्रान्स्फॉर्मरजवळील कांद्याच्या शेतात आत्महत्या केली.

बी. एस्सी.पर्यंत शिक्षण झालेले भरत पाटील यांनी पोटाची खळगी भरण्यासाठी फोटोग्राफीदेखील केली. त्यांच्या शेतशिवारातील डीपीवरील वीज कनेक्शन महावितरणने बंद केले होते. परिणामी, हाताशी आलेले पीक वाया जाण्याची शक्यता बळावली. आधीच बँकेच्या कर्जामुळे वीजबिल भरण्यास थोडा अवधी मिळावा; यासाठी त्यांनी विनंती केली होती.

दरम्यान, यापूर्वी येथील शेतकरी योगेश जाधव, प्रशांत अहिरे, बापू साखरे, मनोहर जिरे आदींनी फागणे येथील वीज वितरण कंपनीच्या अधिकाऱ्यांची भेट घेऊनदेखील त्यांचे ट्रान्स्फॉर्मर सुरू न झाल्याने कपाशीची विक्री झाल्यावर थकीत बिल भरणार असल्याचे भरत पाटील व संबंधित शेतकऱ्यांनी सांगितले होते. तरीही ट्रान्स्फॉर्मर सुरू झाले नाही. दरम्यान, भरत पाटील यांच्या मागे आई-वडील, भाऊ, बहीण असा परिवार आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com