Milk Subsidy : महिनाभराच्या कालावधीनंतरही अनुदान मिळेना; अनुदानाबाबत दूध उत्पादक शेतकरी संभ्रमात

बालाजी सुरवसे 

धाराशिव : दुधाला कमी दर मिळत असल्याने दूध उत्पादक शेतकरी संकटात सापडला आहे. यामुळे दूध उत्पादक (Dharashiv News) शेतकऱ्यांना मदत व्हावी यासाठी शासनाने अनुदान देण्याची घोषणा केली आहे. परंतु प्रत्यक्षात या (Farmer) शेतकऱ्यांना अदयाप अनुदान मिळाले नसल्याचे चित्र पाहण्यास मिळत आहे. या प्रकारामुळे शेतकरी संभ्रमात सापडला आहे. (Latest Marathi News)

सातत्याने घसरत असलेले दुधाचे दर (Milk Price) आणि वाढत जाणारी महागाई यामुळे दुध उत्पादक शेतकरी संकटात सापडला आहे. दुभत्या गाय व म्हशीला लागणार चारा, ढेप हे घ्यावेच लागत आहे. चाऱ्याचे दर देखील प्रचंड वाढले असून तुलनेत दुधाला अपेक्षित दर मिळत नाही. (Milk) तर दुसरीकडे शासनाने जाहीर केलेले अनुदान देखील महीनाभरानंतर देखील शेतकऱ्यांना मिळाले नाही. यामुळे दुधासाठीचे जाहीर केलेले अनुदान मिळणार कि नाही याबाबत शेतकऱ्यांमध्ये संभ्रमावस्था आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा) -

कागदपत्र देऊन महिना उलटला 

अनुदानासाठी लागणारी सर्व कागदपत्रे दुध उत्पादक संस्थाना देवुन महीनाभराचा कालावधी लोटला आहे. तरीही अनुदान मिळाले नाही. तर वाढती महागाई पाहता शासनाने दुध दराबाबत ठोस धोरण राबविण्याची मागणी धाराशिव जिल्ह्यातील दुध उत्पादक शेतकऱ्यांमधून केली जात आहे.