Onion Price: आठवडी बाजारात पालेभाज्यांना चांगला भाव; कांद्याला केवळ २० रुपये दर

बालाजी सुरवसे 

धाराशिव : धाराशिव येथील आठवडी बाजारात पालेभाज्यांचे दर चांगले आहेत. मात्र कांदा २० रूपये किलोने विकला जात आहे. यामुळे कांदा उत्पादक (Farmer) शेतकऱ्यांना बाजार समितीसह किरकोळ बाजारात (Dharashiv News) देखील भाव मिळत नसल्याने आर्थिक अडचण होत आहे. (Latest Marathi News)

केंद्र सरकारने कांदा निर्यात थांबवल्याने कांद्याचे (Onion) भाव कोसळले आहेत. आठवडी बाजारात पालेभाज्यांना चांगली मागणी असल्याने पालेभाज्यांना (Vegetables) शेतकऱ्यांना चांगला दर मिळत आहे. यामध्ये वांगी, भेंडी, दोडका, कारली या प्रमुख भाज्यांचे भाव प्रति किलो दर ७० ते ८० रुपये तर शेवगा ७० ते १०० रुपयांवर गेला आहे. गवार १०० ते १२० रुपये किलोने विकली जात आहे. त्यामुळे शेतकऱ्यांच्या पालेभाज्यांना चांगला दर मिळत आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

लसूणलाही भाव 

एकीकडे पालेभाज्यांना भाव मिळत असताना कांद्याला मात्र भाव मिळत नसल्याने शेतकरी अडचणीत सापडला आहे. मात्र लसूणला किरकोळ बाजारात देखील चांगला भाव मिळत आहे. किरकोळ बाजारात लसूणला प्रतिकिलो ३५० रुपयांपर्यंत भाव मिळत आहे.