Lightning Strike : विज पडल्याने गोठा जळून खाक; २ जनावरांचा मृत्यू, ६ लाखांहुन अधिक नुकसान

बुलढाणा : अवकाळी पावसाने शेतकऱ्यांचे मोठ्या प्रमाणात नुकसान केले आहे. यात अनेक ठिकाणी वीज पडून पशुधनाचा मृत्यू झाल्याच्या घटना देखील घडल्या आहेत. अशीच घटना मेहेकर (Mehkar) तालुक्यातील नागापुर येथे रात्रीच्या दरम्यान घडली असून वीज पडल्याने गोठ्याला आग लागून दोन जनावरांचा मृत्यू झाला आहे. (Latest Marathi News)

हवामान विभागाने अवकाळी पावसाची (Rain) शक्यता वर्तविण्यात आली आहे. त्यानुसार राज्यात अनेक भागात अवकाळी पाऊस होत आहे. यात वीज (Lightning Strike) पडल्याच्या घटना देखील घडत असून यामुळे शेतकऱ्यांचे मोठ्या प्रमाणात नुकसान होत आहे. दरम्यान (Buldhana) बुलढाणा जिल्ह्यातील मेहेकर तालुक्यातील नागपूर येथे ही घटना घडली. माधव प्रकाश गायकवाड यांनी जनावरांसाठी बांधलेल्या गोठ्यावर विज पडून यामध्ये एक गाय व एक म्हैस जळून खाक झाली. तर एक गाय व एक बैल ९० टक्के भाजला गेला आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

गोठ्यातील साहित्यही जळून खाक 

तसेच गोठ्यात असणारे शेती उपयोगी स्प्रिंकलरचे दोन संच, पियूसी पाईप जनावराचे खाद्य, हळदीचे कांडे, टिनपत्रे व तर शेती साहित्य जळून खाक झाले आहे. यात अंदाजे एकुण ६ लाख ५७ हजार रुपयांचे नुकसान झाले आहे. घटनैची माहीती मीळताच माजी क्रृषी सभापती राजेंद्र पळसकर व शिवसेना शहर प्रमुख सुरज दिनोरे, नागापुर सरपंच समाधान गायकवाड तसेच तलाठी व पशुसंवर्धन अधिकारी यांनी घटनास्थळी भेट दिली, यावेळी तलाठी यांनी पंचनामा करून वरीष्ठांना सादर केला आहे.