Buldhana News : फवारणी करताच फुलकोबीचे नुकसान; कृषी केंद्र संचालकांनी दिले मुदत संपलेली औषधी

बुलढाणा : शेतात लागवड करण्यात आलेल्या फुलकोबीवर शेतकऱ्याने फवारणी केली. मात्र यानंतर या पिकाचे नुकसान होऊन शेतकऱ्याला लाखोंचा फटका बसला आहे. यामुळे शेतकरी पती- पत्नीने कृषी केंद्र चालकाविरोधात जिल्हाधिकारी कार्यालयासमोर उपोषण सुरु केले आहे. 

बुलढाणा (Buldhana) जिह्यातील मेहकर तालुक्यातील थार येथील दादाराव वानखेडे यांनी त्यांच्या शेतात फुलकोबीची लागवड केली होती. मात्र त्यावर फवारणी करतेवेळी दुकानदार यांनी त्यांनी वैधता संपलेले औषधी दिल्याने फुलकोबी खराब झाली. परिणामी त्यांचे जवळपास ७ लाखांचे नुकसान झाले. यासंदर्भात कृषी विभागाने सुद्धां पंचनामा केला असून वरिष्ठाकडे अहवाल सादर केला. मात्र त्यांना अद्याप नुकसान भरपाई मिळाली नाही.

नुकसान भरपाई मिळावी यासाठी पती- पत्नीचे उपोषणबुलढाणा जिल्ह्याच्या मेहकर तालुक्यातील थार येथील भाजीपाला उत्पादक (Farmer) शेतकरी दादाराव वानखेडे आणि त्यांच्या पत्नी जिल्हाधिकारी कर्यालयसमोर मागील चार दिवसापासून बेमुदत उपोषणाला बसले आहेत. मात्र अद्याप पर्यंत जिल्हा प्रशासनाने त्यांच्या उपोषणाची दखल घेतली नाही.