Lakhni Bajar Samiti : शेतकऱ्यांना अनुदानात मिळणार बी- बियाणे, खत, अवजारे; लाखनी कृषी उत्पन्न बाजार समितीचा अनोखा उपक्रम

शुभम देशमुख 

भंडारा : लाखनी बाजार समितीने शेतकऱ्यांसाठी अनोखा उपक्रम सुरू केला आहे. यंदाच्या खरीप हंगामात शेतकऱ्यांना अनुदानामध्ये बी- बियाणे, खते, अवजारे मिळणार आहेत. इतकेच नाही तर कृषी चिकित्सालय व कृषी माहिती केंद्र देखील सुरु करण्यात आले आहे. 

कृषी केंद्र म्हटल की (Bhandara) नेहमी शेतकऱ्यांची लूट केली जाते. खत, बी- बियाणे यांचे किमतीपेक्षा जास्त पैसे शेतकऱ्यांकडून घेतले जातात. तर खात व बियाणांची कृत्रिम टंचाई निर्माण करून शेतकऱ्यांची लुबाडणूक देखील जाते. यावर मात करत शेतकऱ्यांना दिलासा मिळावा यासाठी (Lakhani) लाखनी कृषी उत्पन्न बाजार समितीने अनोखा उपक्रम सुरू केला आहे. बाजार समितीमध्येच कृषी तंत्रज्ञान, कृषी चिकित्सालय, कृषी माहिती केंद्र सुरू केलं आहे. 

जिल्ह्यातील पहिलाच उपक्रम 

कृषी तंत्रज्ञान व चिकित्सालय सुरु केल्यामुळे (Bajar Samiti) शेतकऱ्यांनी कोणती बियाणे लागवड करावी किंव्हा शेती संबंधित माहिती या ठिकाणी दिली जाणार आहे. तसेच शेतकऱ्यांना खत, बी, बियाणे, अवजारे अनुदान स्वरूपात दिला जाणार असुन याचा फायदा शेतकऱ्यांना होणार आहे. हा जिल्ह्यातील पहिलाच उपक्रम आहे.