Baramati News: १०० किलो वांग्याचे मिळाले केवळ ६६ रुपये; शेतकऱ्याने वांग्याचे पीक टाकले उपटून

बारामती : राज्यामध्ये ८०० किलो कांद्याचे २ रुपये शेतकऱ्याला मिळाल्याचे आपण पाहिले. त्याच प्रमाणे (Baramati News) पुरंदर तालुक्यातील कुंभारवळण येथील (Farmer) शेतकऱ्याला ही १०० किलो वांग्याचे केवळ ६६ रुपये मिळाल्याचा प्रकार समोर आला आहे. (Maharashtra News)

शेतमालाला हमीभाव मिळत नसल्याने शेतकरी हतबल झाला आहे. तीन महिने कष्ट करून पिकविलेल्या पिकाच्या काढणीचा खर्च सुद्धा निघत नाही. राज्यकर्त्यांनी एकमेकाची ऊनिधूनी काढण्यापेक्षा शेतकऱ्यांना हमी भाव कसा मिळेल; याकडे लक्ष द्यावं अस आता शेतकरी म्हणत आहेत. सध्या राज्यात सर्वच शेतमालाचे भाव पडलेत. त्यामुळे शेतकरी हैराण झालाय.

११ गुंठे वांग्‍याचे पिक उपटले

पुण्यातील गुलटेकडी येथील मार्केटमध्ये या वांग्याची विक्री करण्यात आली. नंतर या शेतकऱ्याने आपल्या ११ गुंठे शेतातील वांग्याचे पीकच उपटून टाकले आहे. त्यामुळे शेतकऱ्यांचे मोठे नुकसान झाले आहे.