Akola News: रस्त्यावर फेकला कांदा; कांद्याला पन्नास हजार रुपये अनुदानाची मागणी

अकोला : कांदा उत्पादक शेतकऱ्यांना पन्नास हजार रुपये अनुदान देण्यात यावे; या प्रमुख मागणीसाठी आज (Akola) अकोल्यातील वाडेगाव येथे वंचित बहुजन आघाडीच्या वतीने आंदोलन करण्यात आले. यावेळी आंदोलकांनी रस्त्यावर कांदा (Onion) फेकून सरकारचा निषेध नोंदवला. (Breaking Marathi News)

अकोला जिल्हयात यावर्षी अतिवृष्टीमुळे सर्व शेतकऱ्यांच्या (Farmer) पिकांचे प्रचंड नुकसान झाले आहे. तसेच बागायतदार व कांदा उत्पादक शेतकऱ्यांना मोठा फटका बसला असून या नुकसानीतून बाहेर निघणे अशक्य झाले आहे. सरकारने अवकाळी पावसामुळे नुकसान झालेल्या फळबाग धारक शेतकरी तसेच बागायतदार व कांदा उत्पादक शेतकऱ्यांना तात्काळ मदत द्यावी अन्यथा शेतकऱ्यांना मदत मिळवून देण्यासाठी वंचित बहुजन आघाडी लोकशाही पद्धतीने रस्त्यावर उतरून तीव्र आंदोलन छेडल्याशिवाय गप्प बसणार नाही, असा इशारा यावेळी देण्यात आला.

सरकारचा केला निषेध

वंचित बहुजन आघाडीच्यावतीने आज आंदोलन करत कांदा उत्‍पादक शेतकऱ्यांना ५० हजार रूपयांचे अनुदान देण्याची मागणी केली आहे. तसेच रस्‍त्‍यावर कांदा फेकून सरकारच्‍या विरोधात घोषणाबाजी करत निषेध केला आहे.