Farmer Rasta Roko : कापूस बियाणे मिळत नसल्याने शेतकरी आक्रमक; अकोल्यात केला रास्तारोको

Akola News : खरीप हंगाम जवळ आल्याने बियाणे खरेदीसाठी शेतकरी गर्दी करत आहेत. मागील चार दिवसांपासून शेतकरी पहाटेपासून कृषी केंद्रावर बियाणे खरेदीसाठी रांगा करत आहेत
Farmer Rasta Roko
Farmer Rasta RokoSaam tv

अक्षय गवळी 

अकोला : खरीप हंगामासाठी बियाणे खरेदीची लगबग सुरु आहे. प्रामुख्याने कापूस बियाणे खरेदी केले जात आहे. मात्र शेतकऱ्यांना जादा उत्पादन देणारे तसेच पसंतीचे कपाशीचे पुरेसे बियाणे मिळत नसल्याने शेतकऱ्यांमध्ये प्रचंड रोष आहे. यामुळे अकोल्यात शेतकरी चांगले आक्रमक झाले असून अकोल्यातील टिळक रोडवर रास्ता रोको करीत आपला रोष व्यक्त केला. 

Farmer Rasta Roko
Sambhajinagar Water Crisis : हंडाभर पाण्यासाठी जीवघेणी कसरत; ३०० फूट खोल दरीत उतरून आणावे लागतेय पाणी 

खरीप हंगाम जवळ आल्याने बियाणे खरेदीसाठी शेतकरी गर्दी करत आहेत. मागील चार दिवसांपासून शेतकरी पहाटेपासून कृषी केंद्रावर बियाणे खरेदीसाठी रांगा करत आहेत. मात्र कृषी केंद्र चालकांकडून आज दुकान उघडण्यात न आल्याने संतापलेल्या शेतकऱ्यांनी रास्ता रोको करीत चक्का जाम आंदोलन केले. या हंगामात बी- बियाणे खरेदीला सुरुवात झाली. यंदा बियाण्याचा मोठ्या प्रमाणात तुटवडा जाणवत आहे, त्यामुळे (Akola) जिल्हाभरातील अनेक कृषी केंद्रावर शेतकऱ्यांच्या बियाणे खरेदीसाठी पहाटेपासूनच रांगा दिसून येत आहेत. 

Farmer Rasta Roko
Wardha News : तुर बियाणांच्या दरात वाढ; प्रतिकिलो वाढले शंभर रुपये

केंद्रावर नंबर लागल्यानंतर शेतकऱ्यांच्या (Farmer) हाती केवळ दोनच पॅकेट बियाण्याचे मिळत असल्याने शेतकऱ्यांमध्ये प्रचंड रोष आहे. पोलिसांकडून शेतकऱ्यांची समजूत काढण्याचा प्रयत्न सुरू आहे. मात्र शेतकरी चांगलाचं आक्रमक झाला आहे. शेतकऱ्यांनी वैतागून रास्ता रोको आंदोलन केले. अनेक गावातील शेतकऱ्यांनी रस्त्यावर चक्का जाम केला. अधिकाऱ्यांनी शेतकऱ्यांची समजूत काढली. बियाण्यांचा प्रचंड तुटवडा निर्माण करण्यात आला असून काळ्या बाजारात दुप्पट दराने बियाणे मिळत असल्याचा आरोप शेतकऱ्यांनी यावेळी केला. 

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com