Viral Video News : हायवेवर स्टंट करताना भयंकर अपघात, शेवटची ३७ सेकंद काळजाचा ठोका चुकवणारी, VIDEO

रिलच्या नादात जीव गमावणाऱ्यांची संख्या दिवसेंदिवस वाढत चालली आहे. काही जण आपला जीव धोक्यात घालून स्टंटबाजी करताना आढळतात. असाच एक व्हिडिओ सध्या सोशल मीडियावर धुमाकूळ घालत आहे. या व्हिडिओमध्ये एक तरुण बाईक चालवत असून त्याच्या मागच्या साईटला तरुणी बसली आहे. हे दोघे प्रियकर प्रेयसी असल्याचं म्हटलं जात आहे.

व्हिडिओमध्ये चित्रित झाल्याप्रमाणे, गाडीवर बसलेल्या तरुणाने थोडा गाडीचा स्पीड वाढवत गाडी हवेत उडवली. एखाद्या विमानाने हवेत झेप घ्यावी त्याचप्रमाणे या तरुणाने आपली बाईक हवेत उडवली. या स्टंटबाजीदरम्यान काही क्षणात तरुणाचं गाडीवरील नियंत्रण सुटलं आणि गाडी घरंगळत रस्त्यावर आडवी झाली.

या स्टंटबाजी दरम्यान काही तरुण मंडळी या स्टंटबाजीचा व्हिडिओ शूट करत होते. दुचाकीचा अपघात होताच गाडी व्हिडिओ शूट करणाऱ्या तरुणाच्या गाडीला आदळली. यानंतर दोन्ही दुचाकीवर स्वार असलेले चौघेही जण खाली पडले असल्याचं दृश्य कॅमेऱ्यात कैद झालं आहे.

धक्कादायक म्हणजे या स्टंटबाजीदरम्यान एकाच्याही डोक्यावर हेल्मेट नसल्याने या घटनेत चौघांनाही गंभीर दुखापत झाली असणार. हा व्हिडिओ नेमका कुठचा आहे? कुठे शूट केला ? याबाबत अद्यापही कोणतेही स्पष्टीकरण समोर आलेलं नाही. मात्र महामार्गाचा अशा प्रकारे गैरवापर करणे चुकिचे असल्याचं रस्ते वाहतूक पोलिसांनी म्हटलं आहे. दरम्यान या स्टंटबाजी करणाऱ्या तरुणांचा लवकरात लवकर शोध घेऊन त्यांच्यावर कारवाई करण्यात येईल असे पोलिसांनी म्हटले आहे.