Viral Video: याला म्हणतात माणुसकी! सहा तास ग्रीलच्या जाळीत अडकलं मांजरीचं डोकं, गावकऱ्यांनी वाचवला जीव | VIDEO

प्राणी हे मुके असले तरी त्यांना प्रेमाची भावना समजते. अनेकजण घरात प्राणी पाळतात आणि त्यांच्या कुटुंबाचाच भाग बनवतात. सोशल मीडियावर प्राण्यांचे विविध व्हिडीओ व्हायरल होतात. प्राण्याचे हे व्हिडीओ कधी मजेशीर असतात तर कधी आश्चर्यकारक असतात. सध्या सोशल मीडियावर असाच व्हिडीओ व्हायरल होत आहे जे पाहून तुम्हालाही धक्काच बसेल.

प्राण्यांवर तुम्ही एकदा प्रेम केले की ते देखील तुमच्यावर प्रेम करतात. प्राणी हे मुके असले तरी त्यांनादेखील भावना असतात. कुत्रा, मांजर हे प्राणी पाळण्याची अनेकांना आवड असते. त्यांच्यासोबत खेळणे, राहणे हे अनेकांना आवडते आणि काहीदिवसांनी हे प्राणी त्यांच्या कुटुंबाचाच भाग बनतात. पाळीव प्राण्यांना बाल्कनीत खिडकीतून बाहेरचे पाहण्याची सवय असते. मात्र असच करताना एक मांजर बाल्कनीत ग्रीलच्या जाळीत अडकली आहे. या व्हिडीओमध्ये तुम्ही पाहू शकता, बाल्कनीत ग्रीलच्या जाळीमध्ये या माजंरीचे डोके अडकले आहे.

व्हिडीओमध्ये ते मांजरीचे डोके अडकल्याने ती ओरडताना दिसते आहे. दरम्यान तेथून येणाऱ्या जाणाऱ्यांना जेव्हा हे समजले तेव्हा ह्या मांजरीचे अडकलेले डोके बाहेर काढण्यात आले आहे.६ तास व्यक्ती मांजराचे डोके त्या ग्रीलच्या जाळीमध्ये अडकले होते. धारदार शस्त्राने ग्रील कापून माजंरीचे डोके हळुवारपणे काढण्यात यश आले आहे.

@sarpmitra_akshay_koli या इन्स्टाग्राम अकाउंटवरून हा व्हिडीओ शेअर करण्यात आला आहे. नेटकऱ्यांना हा व्हिडीओ प्रचंड आवडला आहे. हा व्हायरल व्हिडीओ लाखो लोकांनी पाहिला आहे. अनेकांनी कमेंट देखील केल्या आहेत. एक युजर म्हणतो, माणुसकी आहे अजून जिवंत तर आणखी एकाने, खूप बरं वाटलं बघून की पिल्लू सुखरूप पणे वाचला असं म्हटलं आहे.