Viral Video: आजोबा म्हणजे आजोबाच असतो...! आजोबा अन् नातीमधल्या भावूक प्रंसगांचा VIDEO व्हायरल

Viral Video

सर्वांच्या आयुष्यात आजी आणि आजोबांचे स्थान महत्वाचे असते. नातवांचे पहिले मित्र हे आजोबाच असतात. या नात्यामधला प्रेमाचा ओलावा आपल्याला कायमच दिसून येत असतो. हे नातं असं आहे ज्यात कोणताही स्वार्थ नसतो. आजोबा आणि नातंवाचं नातं काही विशेष असतं.('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

आजोबा म्हणजे घराचा आधार. सोशल मीडियावरही आजोबा आणि नातवंडांचे काही गोड प्रसगांचे व्हिडिओ व्हायरल होत असतात. अशातच सोशल मीडियावर आजोबा आणि नातीच्या नात्यातला जिव्हाळा दाखवणारा व्हिडीओ व्हायरल होत आहे. ज्यामध्ये आजोबांना गावी जाताना पाहून चिमुकल्या नातीला रडायला आलं. हा व्हिडीओ पाहून तुम्हीही भावूक व्हाल.

व्हायरल होत असलेल्या व्हिडीओत तुम्ही पाहू शकता की, एक आजोबा हातात पिशवी धरुन गावाला जायला निघाले आहेत. तितक्यातच तिथे एक चिमुकली नात येते आणि रडायला सुरुवात करते. तशीच ती सरळ घरात निघून जाते. तिला रडताना पाहून तिचे आजोबाही भावूक होताना तसंच तिला समजवण्याचा प्रयत्न करताना आपल्याला व्हिडीओत दिसत आहेत. नातीचं आजोबांवरील प्रेम पाहून प्रत्येकाला आपले बालपण नक्कीच आठवले असेल.

व्हायरल व्हिडीओ हा @rammore35या इन्स्टांग्राम अकाउंटवरुन पोस्ट करण्यात आला आहे. व्हायरल होत असलेल्या व्हिडिओवर नेटकऱ्यांनी भरभरुन प्रतिक्रिया दिल्या आहेत. व्हायरल होत असलेला व्हिडिओ नेमका कुठला आहे हे समजू शकलेलं नाही.एका यूजरने म्हटलं आहे,' किती सुंदर क्षण आहे डोळे पाणावले हा व्हिडिओ बघुन' तर आणखी एका युजरने म्हटलं आहे 'आजपर्यंतचा सगळ्यात चांगला व्हिडिओ.' व्हायरल होत असलेला व्हिडिओ मोठ्या प्रमाणात शेअर केला जात आहे.