Viral Video : नागमणी घेतल्याशिवाय जाणार नाही वाटतं...; महामार्गावर मध्यरात्री तरुणींचा नागीण डान्स, नेटकऱ्यांच्या मजेशीर कमेंट्स; VIDEO व्हायरल

सोशल मीडियावर व्हायरल होण्यासाठी तरुण मंडळी काहीही करताना पाहायला मिळत आहेत. वेगवेगळे स्टंट, शासकीय गोष्टींचा दुरुपयोग या सगळ्या गोष्टी फक्त फेम मिळवण्यासाठी. पण या फेम मुळे आयुष्य उध्वस्तही होऊ शकत. अशाच प्रकारचा एक व्हिडिओ सोशल मीडियावर व्हायरल होत आहे. या व्हिडिओमध्ये तरुणी महामार्गाच्या मधोमध बसून नागीण डान्स करताना दिसत आहेत. या व्हायरल व्हिडिओ नंतर तरुणींना ट्रोल केलं जात आहे.

मिळालेल्या माहितीनुसार, लखनऊ-कानपूर महामार्गावरील गडनखेडा बायपासजवळ नागिन नृत्य सादर करताना दोन तरुणींचा रील बनवण्याचा व्हिडिओ सोशल मीडियावर व्हायरल झाला. या व्हायरल झालेल्या व्हिडिओवर संताप व्यक्त करण्यात येत आहे. पोलिसांनी एक तरुणी आणि तिच्या मैत्रिणीविरुद्ध एफआयआर दाखल केला आहे.

व्हायरल झालेल्या व्हिडिओमध्ये, रात्रीच्या वेळी एका वर्दळीच्या महामार्गाच्या मध्यभागी दोन मुली नाचत आहेत. कधी जमिनीवर बसून, तर कधी झोपून, तर कधी विचित्र पोझमध्ये त्या नागिन डान्स करताना दिसत आहे. जवळपास फक्त वेगाने येणाऱ्या वाहनांचा रस्ता होता. या मुलींना नाचताना कशाचेही भान नव्हते. फक्त एका लाईक आणि शेअरच्या हव्यासापोटी या तरुणी महामार्गावर जीव धोक्यात घालून नाचत होत्या.

दरम्यान पोलिसांनी हा व्हिडिओ पाहताच तातडीने तपास सुरु केला. आणि दोन्ही मुलींचा ठाव ठिकाणा शोधून काढला. दोन्ही मुलींवर गुन्हा दाखल करण्यात आला आहे. हा व्हिडिओ व्हायरल होताच नेटकऱ्यांनी संमिश्र प्रतिक्रिया नोंदवल्या आहेत. कोणी तरुणींना ट्रोल केलं आहे . तर काही नेटकऱ्यांनी कमेंटमध्ये तरुणींच्या या डान्सला मनोरंजनात्म्क दृष्टीने पाहिल्याचं म्हटलं आहे.