बेवफा! नवरा बेडरूममध्ये गेला, बेडमध्ये नको त्या अवस्थेत लपला होता बायकोचा बॉयफ्रेंड, Video व्हायरल

Viral : सोशल मीडियावर दररोज अनेक व्हिडीओ व्हायरल होत असतात. अशाच एका व्हायरल व्हिडीओची नेटकऱ्यांमध्ये चर्चा पाहायला मिळत आहे. या व्हिडीओमध्ये एकजण त्याच्या घराच्या बेडमध्ये लपलेल्या बायकोच्या बॉयफ्रेंडला पकडतो. बेड उचलून धरल्यानंतर नवऱ्यासमोर बायकोचे बिंग फुटते. हा व्हायरल व्हिडीओ कुठला आहे याबाबतची माहिती सध्या उपलब्ध नाहीये.

आजकाल विवाहबाह्य संबंधांच्या अनेक घटना सर्रास पाहायला मिळतात. कधी नवरा फसवणूक करतो, तर कधी बायको... तर कधी दोघेही एकमेकांना फसवत असतात. अशा अनेकांच्या अफेयरच्या गोष्टी सोशल मीडियावर व्हायरल होत आहे. नवऱ्याची फसवणूक करणाऱ्या बायकोचा आणि तिच्या बॉयफ्रेंडचा व्हिडीओ सोशल मीडियावर व्हायरल होत आहे.

व्हायरल व्हिडीओमध्ये एकजण त्याच्या घरातल्या बेडरूममध्ये प्रवेश करतो. बेडशीट काढत बेड उघडताना दिसतो. त्याच्या बायकोचा बॉयफ्रेंड बेडच्या आतमध्ये लपल्याचे पाहायला मिळते. नवऱ्यासोबत काहीलोक दिसतात, त्यांच्या हातात काठ्या असल्याचे दिसते. बायकोच्या बॉयफ्रेंडला रंगेहात पकडल्यानंतर पुढे काय घडते ते व्हिडीओमध्ये दाखवले नसले, तरीही पुढे काय घडले असेल, याचा कोणाही सहज अंदाज लावू शकतो.

हा व्हायरल व्हिडीओ @sankii_memer नावाच्या अकाउंटने इन्स्टाग्राम या सोशल मीडिया प्लॅटफॉर्मवर शेअर केला आहे. हा व्हिडीओ आतापर्यंत ७ लाखांपेक्षा जास्त वेळा पाहिला गेला आहे. नेटकऱ्यांनी या व्हिडीओच्या कमेंट बॉक्समध्ये वेगवेगळ्या प्रकारच्या कमेंट्स केल्या आहेत. काहींनी बॉयफ्रेंडसह बायकोलाही फटके पडले असतील अशी शक्यता वर्तवली आहे.