पुरातून हत्तीने वाचवलं वाघाला? पाठीवर बसवून हत्तीने केली सुटका?

हा व्हिडिओ इंडोनेशियातील सुमात्रा येथील असल्याचा दावा केलाय.पुराच्या भीषण आणि वेगवान प्रवाहात हा वाघ अडकलाय, त्याला वाचवण्यासाठी हत्ती देवदूतासारखा धावून येतो आणि आपल्या सोंडेनं वाघाला आपल्या पाठीवर बसवून सुरक्षित ठिकाणी नेण्याचा प्रयत्न करतोय.अनेक युजर्स 'माणसांपेक्षा प्राणीच जास्त संवेदनशील असतात' असं कॅप्शन लिहून हा व्हिडिओ मोठ्या प्रमाणावर शेअर करत आहेत.त्यामुळे आम्हीही हा व्हिडिओ कुठला आहे.? याचा शोध घेतला.व्हिडिओ नक्की कुठला आहे याची माहिती तपासण्यासाठी आमच्या व्हायरल सत्य टीमने पडताळणी केली.त्यावेळी यामागचं सत्य काय समोर आलं पाहुयात.

व्हायरल सत्य

हत्ती वाघाला वाचवतानाचा व्हिडिओ AI निर्मित

व्हायरल व्हिडिओ कोणत्याही खऱ्या घटनेचा नाही

इंडोनेशियात अशी कोणतीही घटना घडलेली नाही

तंत्रज्ञानानं आज इतकी प्रगती केली आहे की, डोळ्यांना दिसणारी प्रत्येक गोष्ट खरी असेलच असं नाही. सोशल मीडियावर भावनिक करणाऱ्या किंवा आश्चर्यचकित करणाऱ्या गोष्टी शेअर करण्यापूर्वी त्याची सत्यता नक्की तपासा.इंडोनेशियातील सुमात्रा येथील हत्ती आणि वाघाचा हा व्हिडिओ पूर्णपणे बनावट आहे.त्यामुळे आमच्या पडताळणीत हत्तीने वाघाला वाचवल्याचा दावा असत्य ठरलाय.