Fact Check : महिलांसाठी स्वतंत्र दारू दुकान? सरकारकडून महिलांना पिण्याची स्पेशल सोय?

Viral : सरकार आता महिलांसाठी स्वतंत्र दारू दुकान उघडणार असल्याचा दावा करणारा मेसेज व्हायरल करण्यात आलाय...महिलांसाठी वेगळं दारू दुकान उघडलं जाणार हे ऐकूनच सर्वांना आश्चर्याचा धक्का बसलाय...पण, खरंच सरकारने असा निर्णय़ घेतलाय का...? महिलांसाठी वेगळं दारू दुकान उघडण्याचा निर्णय कशासाठी...? याची सत्यता जाणून घेण्यासाठी आमच्या व्हायरल सत्य टीमने पडताळणी सुरू केली...त्याआधी मेसेजमध्ये काय दावा केलाय पाहुयात...

व्हायरल मेसेज - सरकार महिलांसाठी स्वतंत्र दारूची दुकाने उघडणार आहे. आधी लाडक्या बहिणीला पैसे देतात. नंतर ते तिला दारूच्या दुकानात बोलावतील आणि तेच पैसे परत घेतील.

हा मेसेज व्हायरल होत असल्याने संभ्रम निर्माण झालाय...खरंच एकीकडे लाडकींना पैसे देऊन आता महिलांसाठी सरकार दारू दुकान उघडतंय का...? हा मेसेज वाचून अनेकांनी निषेध केलाय...मात्र, याची सत्यता जाणून घेण्यासाठी आमच्या व्हायरल सत्य टीमने अधिकाऱ्यांकडून अधिक माहिती मिळवली...

त्यावेळी आमच्या पडताळणीत काय सत्य समोर आलं पाहुयात...

व्हायरल सत्य - साम इन्व्हिस्टिगेशन

• सरकार महिलांसाठी स्वतंत्र दारू दुकान उघडणार नाही

• मध्य प्रदेश सरकारचा 2020 साली असा प्रस्ताव होता

• यावेळी सरकारच्या निर्णयाचा जनतेने विरोध दर्शवला

• सरकारने महिलांसाठी स्वतंत्र दारू दुकान उघडलेलं नाही

• दारू दुकानाबाबतची बातमी व्हायरल करून दिशाभूल

असे काही अर्धवट मेसेज व्हायरल केले जातात...मात्र, असे मेसेज पाठवल्याने संभ्रम निर्माण होतो...आम्ही याची सत्यता जाणून घेतली...त्यावेळी आमच्या पडताळणीत सरकार महिलांसाठी स्वतंत्र दारू दुकान उघडणार असल्याचा दावा असत्य ठरलाय...तुम्ही अशा मेसेजवर विश्वास ठेवू नका...