Mumbai : मुंबईत भयंकर घडलं! सेना भवनासमोर वाहतूक पोलिसावर घातला ट्रक; Video

Mumbai Video : मुंबईच्या दादर विभागात एका धक्कादायक प्रकार घडला आहे. मुंबईतील सेनाभवनासमोर एका वाहतूक पोलिसाच्या अंगावर ट्रक घातला. टिळक ब्रिजवर वाहनांची गर्दी झाल्याने मोठी वाहतूक कोंडी झाली होती. ट्रॅफिक असल्याने दुसऱ्या मार्गाने ट्रक घेऊन जाण्याच्या प्रयत्नात ट्रकचालक होता. ट्रक घेऊन जाण्यासंदर्भात पोलीस सांगत असतानाच ट्रकच्या चालकाने वाहतूक पोलिसांच्या अंगावर ट्रक घालून पळ काढण्यातचा प्रयत्न केला. सुदैवाने या घटनेमध्ये वाहतूक पोलीस विश्वास बंडघर यांना दुखापत झाली नाही. पण या गंभीर प्रकारानंतर ट्रकचालकाला पुढे पकडण्यात आले. याबाबत ट्रक चालकाचा पोलीस तपास करत आहेत.