शिक्षक आणि विद्यार्थ्यांचं नातं फार वेगळं असतं. शाळेत प्रत्येक शिक्षक विद्यार्थ्यांला फक्त पुस्तकी ज्ञानाने नाही तर व्यवहारीक गोष्टीतील ज्ञानाने देखील घडवत असतो. पूर्वी विद्यार्थ्यांच्या मनात शिक्षकांविषयी कायम भीती असायची. मात्र आता भीती ऐवजी प्रेम असते. शिक्षक आपल्या विद्यार्थ्यांशी फार प्रेमाणे वागतात. शिक्षण आणि विद्यार्थ्यांच्या नात्यातील असाच एक व्हिडीओ सोशल मीडियावर व्हायरल झाला आहे.
व्हायरल व्हिडीओमध्ये तुम्ही पाहू शकता की, एका शाळेमध्ये एक गर्भवती महिला शिक्षिका आहेत. त्या आपल्या विद्यार्थ्यांशी आपल्या मुलांप्रमाणे प्रेमाणे वागतात. त्यामुळे विद्यार्थ्यांना देखील त्यांचा फार लळा असतो. गरोदर असूनही मॅडम आपल्याला शिकवण्यासाठी धडपड करतात हे सर्व काही मुलांनी पाहिलेलं असतं. त्यामुळे शिक्षीकेची सुट्टी सुरू होण्याआधी विद्यार्थी त्यांना एक सर्प्राईज देतात.
आपल्या संपूर्ण वर्गाला निळ्या आणि गुलाबी रंगाच्या फुग्यांनी जवतात. या फुग्यांवर लहान मुलांची चित्रे देखील लावतात. मॅडमला सर्प्राईज देण्यासाठी दोन अन्य शिक्षिका त्यांना वर्गाजवळ घेऊन येतात. तेव्हा फळ्यावर बेबी शॉवर लिहिलेले असते. हे पाहून शिक्षिका फार चकीत होतात. विद्यार्थ्यांनी आपल्यासाठी एवढं सगळं केलं हे पाहून त्यांना फार स्पेशल फिल होतं. त्यांना इतका आनंद वाटतो की त्या आनंदामध्ये वर्गाबाहेर पळत येतात.
विद्यार्थ्यांनी दिलेलं सर्प्राईज पाहून मॅडम भाऊक होतात आणि रडू लगतात. त्यानंतर त्या पुन्हा वर्गात येतात तेव्हा एक विद्यार्थीनी त्यांच्या जवळ केक घेऊन येते. आनंदात त्या केक कट करतात आणि सर्व विद्यार्थ्यांसह एन्जॉय करतात. त्यांच्या गळ्यात मॉम टू बी असं रिबीन देखील घालतात. या सेलिब्रेशनचा व्हिडीओ विद्यार्थ्यांनी आपल्या फोनमध्ये रेकॉर्ड केला आहे.
सध्या सोशल मीडियावर हा व्हिडीओ जोरदार व्हायरल होतोय. @log.kya.kahenge या इंस्टाग्राम अकाउंटवर हा व्हिडीओ पोस्ट करण्यात आला आहे. सध्या हा व्हिडीओ सोशल मीडियावर मोठ्या प्रमाणावर व्हायरल होत आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.