Viral Video: पायरी एकीकडे, दरवाजा दुसरीकडे; ड्रायव्हरने दाखवली एसटी बसची अवस्था, पाहा व्हायरल VIDEO

सोशल मीडियावर कधी काय व्हायरल होईल हे सांगता येत नाही. सध्या एक एसटी चालकाचा व्हिडीओ मोठ्या प्रमाणावर व्हायरल होत आहे, ज्यात त्याने एसटीमध्ये चढण्याच्या प्रक्रियेवरील आपली व्यथा हसत हसत मांडली आहे. व्हिडीओमध्ये एसटी केबिनमध्ये चढण्यासाठी टप्पे बनवले गेले आहेत, पण गाडीचा दरवाजा एका बाजूला आणि चढण्यासाठीचे टप्पे दुसऱ्या बाजूला असल्यामुळे, एसटी चालकाने व्हिडीओच्या माध्यमातून प्रश्न विचारला, "आता मी गाडीत चढू कसा?" त्याच्या या मजेशीर प्रश्नामुळे व्हिडीओला सोशल मीडियावर मोठी लोकप्रियता मिळाली आहे.

एसटी ड्रायव्हरने एक गमतीशीर व्हिडीओ बनवत आपल्या समस्येला वाचा फोडली आहे, ज्यामुळे अनेकांना डोक्यावर हात मारायला लागले. व्हिडीओमध्ये ड्रायव्हर एसटीच्या चढण्याच्या अजब परिस्थितीवर बोलतो आहे, विशेषत: शिवशाही गाड्यांबद्दल. त्याच्या या व्हिडीओने सोशल मीडियावर चांगलीच धूम माजवली आहे. व्हिडीओ पाहून लोक विविध प्रकारच्या प्रतिक्रिया देत आहेत, आणि अनेकांनी "हे अजब डोकं कोणाचं?" असा सवाल विचारला आहे.

व्हिडीओमध्ये एसटी चालक हसत हसत सांगत आहे की, पायरी एका बाजूला आणि दरवाजा दुसऱ्या बाजूला बसवले आहेत. त्याने मजेशीर पद्धतीने प्रश्न विचारला, "आता या पायरीवरून गाडीत कसा चढू?" जरी चालकाने हसतमुखाने यावर सवाल केला असला तरी, एसटी महामंडळाला या प्रकारावर गांभीर्याने विचार करण्याची आवश्यकता आहे. ड्रायव्हरने उठवलेला मुद्दा एसटी गाड्यांच्या डिझाइनमुळे प्रवाशांना होणाऱ्या समस्यांचा दर्शक आहे.

हा व्हायरल व्हिडीओ ट्विटरवर "Shekhar p" या अकाऊंटवर शेअर करण्यात आला आहे. आतापर्यंत १३ हजारांहून अधिक लोकांनी हा व्हिडीओ पाहिला आहे, आणि ५०० पेक्षा अधिक लोकांनी त्याला लाईक केले आहे. व्हिडीओ हळूहळू मोठ्या प्रमाणावर व्हायरल होत आहे. यावर एका यूजरने कमेंट केली आहे, "बस गमतीशीर बनवली आहे.. उगाच ड्रायव्हरला दोष देवून काय फायदा?" या कमेंटने लोकांच्या आणखी विविध प्रतिक्रिया उमटत आहे.