पुणे बंगळूरू राष्ट्रीय महामार्गावर चार चाकी वाहनातून स्टंटबाजी करतानाचा तरूणांचा व्हिडीओ सध्या सोशल मीडियावर व्हायरल होत आहे. वाहनातून खिडकीच्या बाहेर डोकावून हे तरूण जीवघेणी स्टंटबाजी करताना दिसत आहे. याच दरम्यान एका वाहनचालकाने हा संपूर्ण थरार आपल्या मोबाईलच्या कॅमेऱ्यात चित्रित केला आहे जो सोशल मीडियावर लक्ष वेधून घेत आहे.
पुणे बंगळुरू राष्ट्रीय महामार्गावर वेळे ते पाचवड दरम्यान हा प्रकार घडला आहे. भरधाव वेगात सुरू असलेल्या चार चाकी वाहनामध्ये तरूणांची स्टंटबाजी सुरू आहे. तीन मुलासह एका मुलींचा यामध्ये समावेश आहे. व्हायरल व्हिडीओमध्ये तुम्ही पाहू शकता, भरधाव वेगाने धावत असलेल्या या कारच्या छतावरील दरवाजा(सनरूफ) उघडून एक तरूण आणि तरूणी उभे आहेत तर वाहनाच्या दोन्ही बाजूच्या खिडक्यामधून बाहेर डोके काढून आणखी दोन तरूण उभे असल्याचं चित्र दिसत आहे. भर रस्त्यात या चौघांची ही स्टंटबाजी अत्यंत धोकादायक आहे.
अत्यंत धोकादायक पद्धतीने हे तरूण वाहन चालवत असल्याचं यामध्ये दिसत आहे. दरम्यान वेळीच अशा स्टंट करणाऱ्या तरूणांवर कारवाई करण्याची मागणी वाहनधारकांद्वारे केली जात आहे. अनेकदा सोशल मीडियावर स्टंटबाजीचे विविध व्हिडीओ पाहायला मिळतात. यामुळे आता वेळीच अश्या स्टंटबाजी करणाऱ्यांवर पोलिसांनी कारवाई केली पाहिजे यामुळे अन्य लोक करणार नाहीत.
भर रस्त्यात चालत्या वाहनात उभे राहून स्टंटबाजी करणे अत्ंयत धोकादायक आहे. असे कृत्य केल्याने एखाद्याला जीवावर बेतू शकते. वेगाने धावत असलेल्या वाहनांमध्ये स्टंटबाजी करताना तोल गेला किंवा वाहनाने वळण घेतल्यास रस्त्यावर पडण्याची शक्यता असते यावेळेस गंभीर जखमी होऊन मृत्यू देखील होऊ शकतो यामुळे स्टंट करतानाचा वाहनाचा वेग आणि गती ही व्यक्तीच्या जीव देखील घेऊ शकते. यामुळेच कधीच स्टंटबाजी करू नये.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
