Viral Video: बापरे! जीव धोक्यात घालून विषारी सापाच्या तावडीतून मुलीला वाचवले; थरारक व्हिडिओ व्हायरल

Mother Saves Daughter: सोशल मीडियावर सध्या एक थरारक घटनेचा व्हिडिओ प्रचंड व्हायरल होत आहे, ज्या व्हिडिओमध्ये एका धाडसी आईने आपल्या जीवाची पर्वा न करता लहान मुलीला विषारी सापाच्या तावडीतून वाचवले. हा रोमांचक प्रसंग पाहून नेटकरी अवाक झाले आहेत आणि या धाडसाचे कौतुक करत आहेत.

नेमके घडले काय?

व्हायरल (Viral) होत असलेल्या व्हिडिओमध्ये तुम्हाला, एक महिला दरवाजाच्या बाहेर उभी आहे. तिच्या हातात एक टप आहे आणि त्या महिलेसोबत तिच्या दोन चिमुकल्या मुली आहे. काही वेळानंतर त्या चिमुकल्या मुली घाबरत महिलेच्या दिशेने जातात तेव्हा समजते की त्यांच्या बाजूला एक साप येतो. मात्र, महिलेने स्वत:च्या जीवाची पर्वा न करता चिमुकलींचा जीव वाचवला. सर्व घटना तिथे असलेल्या सीसीटीव्हीमध्ये कैद झालेली आहे.

हा थरारक व्हिडिओ सोशल मीडियावर शेअर होताच नागरिकांमध्ये चांगलाच चर्चेचा विषय ठरला. शिवाय नेटकरी वर्गातून अनेक प्रतिक्रियाही कमेंट्बॉक्समध्ये आलेल्या आहेत. त्यातील एका यूजरने कमेंट केली,''आई होती म्हणून बचावल्या चिमुकल्या'' तर दुसऱ्या यूजरने कमेंट केली,''आई ती आई असते'' तिसऱ्या यूजरने कमेंट केली,''कधीही काहीही होऊ शकत'' तर काही यूजर्संनी हैराणजनक प्रतिक्रिया केलेल्या आहेत.

व्हिडिओ (Video) नक्की कुठला आहे हे कळू शकलेले नाही. मात्र, सध्या हा व्हिडिओ @NoCapMediaa या अकाउंटवर अपलोड करण्यात आलेला आहे. व्हिडिओ शेअर करत कॅप्शनमध्ये,''आई आपल्या दोन मुलींना विषारी सापापासून वाचवण्याचा प्रयत्न करते'' असे लिहिले आहे. आतापर्यंत लोकांनी हजारो लाईक्स आणि व्ह्यूज मिळवून दिलेले आहेत.

टीप: सर्व धक्कादायक व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.