Sharad Pawar-Supriya Sule: लेकीसाठी बाप नारळाचं पाणी... भर उन्हात ताफा थांबवत सुप्रिया सुळेंनी घेतली शरद पवारांची भेट, हृदयस्पर्शी VIDEO

महाराष्ट्राच्या राजकारणात नेहमीच पवार कुटुंब चर्चेत असते. पवार कुटुंब हे राजकारणासह त्यांच्या कौटुंबिक कारणांमुळेही चर्चेत असतं. पवार कुटुंबात राजकीय मतभेद असले तरीही ते कौटुंबिक कार्यक्रमात नेहमी एकत्र असतात, हे नेहमी दिसतं. शरद पवार आणि लेक सुप्रिया सुळे यांचं नातं हे खूप वेगळं आहे. ते दोघेही नेहमी एकत्र असतात. या दोघांचा एक हृदयस्पर्शी व्हिडिओ सध्या सोशल मीडियावर व्हायरल होत आहे.

लेकीने घेतली वडिलांची भेट (Supriya Sule And Sharad Pawar)

सुप्रिया सुळे अन् शरद पवार हे दोघेही वेगवेगळ्या ठिकाणी दौऱ्यावर आहेत. यावेळी एका बाजूने खासदार सुप्रिया सुळेंचा ताफा जात होता तर एका बाजूने शरद पवार त्यांच्या पत्नीसह जात होते. यावेळी सुप्रिया सुळेंनी आपली गाडी थांबवत आई-वडिलांची भेट घेतली आहे. याचा व्हिडिओ समोर आला आहे.

सुप्रिया सुळे या रस्त्याच्या एका बाजूला होत्या. तर एका बाजूला शरद पवारांची कार होती. वडिलांना भेटण्यासाठी सुप्रिया सुळे भर उन्हात गाडीतून खाली उतरल्या. सर्वात आधी त्यांच्या आईला भेटल्या. त्यानंतर शरद पवारांची भेट घेतली. यावेळी सुप्रिया सुळेंनी त्या दोघांचीही विचारपूस केली. त्यांच्याशी हात मिळवला. हा भावनिक व्हिडिओ सोशल मीडियावर व्हायरल होत आहे.

सुप्रिया सुळे- शरद पवारांचे नाते (Supriya Sule-Sharad Pawar Bond)

याआधीही सुप्रिया सुळे अन् शरद पवारांचे अनेक व्हिडिओ सोशल मीडियावर व्हायरल झाले आहेत. सुप्रिया सुळे या नेहमीच आपल्या वडिलांना आधार देताना दिसतात. कधीकधी त्यांचा हात हातात घेऊन चालताना दिसतात. तर कधीकधी शरद पवारांच्या पायात चप्पलदेखील घालताना दिसतात. शरद पवार आणि सुप्रिया सुळे हे दोघेही नेहमीच एकमेकांच्या बाजूने ठामपणे उभे असतात. त्यांचा हा व्हिडिओ काळजाला भिडणारा आहे.