Viral Video: तुम्हीही ‘वर्क फ्रॉम होम’ करताय? मग चिमुकल्याचा व्हिडीओ पाहून म्हणाल अशीच अवस्था आहे आमची

लहान मुले हे मोठ्याचं अनुकरण करतात. मोठे जे करतात तेच पाहून लहान मुले करण्याचा प्रयत्न करतात. अनेकदा याचे व्हिडीओ देखील सोशल मीडियावर दिसून येतात. असाच एका चिमुकल्याचा व्हिडीओ सोशल मीडियावर लक्ष वेधून घेत आहे. या लहान मुलाने वर्क फ्रॉम होम करणाऱ्या आपल्या पालकांची नक्कल केली आहे त्याचा हा व्हिडीओ सोशल मीडियावर व्हायरल होतोय.

@vihaan.vibez या सोशल मिडिया इन्स्टाग्रामवर अकाउंटवर हा व्हिडीओ शेअर झाला आहे. व्हिडीओमध्ये तुम्ही पाहू शकता या छोट्या मुलाच्या हातात एक लॅपटॉप दिसत आहे कानात त्याने हेडफोन घातले आहेत. कॉर्पोरेटमध्ये काम करणाऱ्यांचे वर्क फ्रॉम होम दिनचर्या कशी असते हे त्याने क्षणात समोर मांडले आहे. त्याने पालकांप्रमाणे संपूर्ण काम हॅडल केल्याचं चित्र दिसत आहे.

हा मुलगा ऑनलाइन मिटींग्सची नक्कल करताना दिसतो आहे.हा मुलगा अचूकपणे नक्कल करतो. मुलगा व्हिडीओमध्ये, 'मी बोलतोय ऐकू येतो का?' 'मला माझी स्क्रिन शेअर करू दे' 'प्रॉडक्शन इश्यू देख रहा हू' असं म्हणताना दिसतो आहे. सोशल मीडियावर लहान मुलाच्या या कलेने सर्वांचेच लक्ष वेधून घेतले आहे.

सोशल मीडियावर या व्हायरल व्हिडीओला नेटकऱ्यांनी चांगलीच पंसती दिली आहे. १० लाख व्ह्यूज आले आहेत. ६०,००० हून अधिक लाईक्स मिळाले आहेत. अनेकांनी या मुलाच्या अभिनयाचे कौतुक केले आहे.त्याला "आयटी ट्राइबचा सर्वोत्तम नक्कल करणारा" असे म्हटले आहे. एका वापरकर्त्याने विनोदीपणे टिप्पणी केली: "जेव्हा रिक्रूटर्सना १० वर्षांचा अनुभव असलेले फ्रेशर्स हवे असतात." दुसऱ्याने लिहिले: "तो आधीच कॉर्पोरेटसाठी तयार आहे."