Push-ups on Car Viral Video: धावत्या कारच्या टपावर मारले पुशअप्स; Video Viral होताच उतरली मस्ती

Car Pushup Video: सोशल मीडियावर नेहमीच अनेक अतरंगी व्हिडिओ पाहायला मिळतात. सध्याची तरुण पिढी इतकी बेफाम झाली आहे की, आपल्या प्रसिद्धीसाठी ते काहीही करण्यास तयार होतात. काही तरुण कार, दुचाकी यांवर किंवा लोकल ट्रेनमध्ये अतरंगी स्टंट करतात. अशा तरुणांचे आजवर अनेक व्हिडिओ व्हायरल झाले आहेत. (Latest Marathi News)

सध्या देखील सोशल मीडियावर असाच एक व्हिडिओ व्हायरल झाला आहे. यामध्ये हुल्लडबाजी करणं पाच तरुणांच्या अंगाशी आलं आहे. अनेक चारचाकी गाड्यांवर सनरोप लावण्यात येतात. तेथे लहान मुलं अथवा इतर कोणीही मस्त गार वारा अंगावर घेत प्रवास करतात. अशात आता व्हायरल झालेल्या व्हिडिओमध्ये या तरुणाने चक्क कारवर पुशअप्स केलेत.

सोशल मीडिया एक असं माध्यम झालं आहे जीथे अगदी एका रात्रीत प्रसिद्धी मिळवता येते. त्यामुळे तरुण मंडळी आपला व्हिडिओ जास्त लोकांनी पाहावा. तो व्हायरल व्हावा आणि आपल्याला प्रसिद्धी मिळावी याचा विचार करतात. सध्या व्हायरल होत असलेल्या व्हिडिओमध्ये पाच तरुण एका कारमध्ये आहेत. यातील एक जण टपावर पुशअप्स मारत आहे. तर बाकिचे त्याचे हात पाय पकडून खिडकीत उभे आहेत. मागून येणाऱ्या कारमधील व्यक्तींनी या घटनेचा व्हिडिओ आपल्या फोनमध्ये रेकॉर्ड केला आहे.

प्रदीप दुबे यांनी आपल्या इंस्टाअकाउंटवर हा व्हिडिओ पोस्ट केला आहे. व्हिडिओ पोस्ट करत त्यांनी पोलिसांनाही हा व्हिडिओ टॅग केला. त्यानंतर काही तासांतच पोलिसांनी या हुल्लडबाज तरुणांचा शोध घेतला आहे. सध्या हे ५ ही तरुण पोलिसांच्या अटकेत असून त्यांच्याकडून ५ हजार रुपयांचा दंडही कापण्यात आला आहे.