लँबॉर्गिनी गाडी रस्त्यावर धावताना पाहिली की प्रत्येकाच्या नजरा आपोआप वळतात. या दमदार, आलिशान गाडीची नेहमीच चर्चा पाहायला मिळत असते. प्रत्येकजण अशीच लँबॉर्गिनी आपल्याकडे असावी, अशी स्वप्न पाहत असतो. सध्या अशाच एका हौशी मराठी तरुणाच्या लँबॉर्गिनीची सोशल मीडियावर चर्चा होत आहे. या व्हायरल व्हिडिओमधील गाडीपेक्षा त्यावर कोरलेली छत्रपती शिवाजी महाराजांची प्रतिमाचं सर्वांचे लक्ष वेधून घेत आहे.
तरुणाईमध्ये महागड्या गाड्यांची प्रचंड क्रेझ पाहायला मिळते. सोशल मीडियावर अशा आलिशान गाड्यांचे, बाईक्सचे अनेक व्हिडिओ व्हायरल होत असतात. सध्या अशाच एका लँबॉर्गिनी कारचा सुंदर व्हिडिओ तुफान व्हायरल होत आहे. हा व्हिडिओ व्हायरल होण्याचे कारण म्हणजे गाडीवर कोरलेला छत्रपती शिवरायांचा फोटो..
मराठी तरुणाने आपल्या महागड्या लँबॉर्गिनीवर छत्रपती शिवरायांची कोरलेली प्रतिमा इतकी सुंदर दिसत आहे की अशी हटके गाडी कुठेही पाहायला मिळणार नाही. हा व्हिडिओ समोर आल्यानंतर शिवभक्तांनी सुंदर प्रतिक्रिया दिल्या आहेत.
या व्हायरल व्हिडिओमध्ये तुम्ही पाहू शकता की, भगव्या कपड्यामध्ये झाकलेली आलिशान लँबॉर्गिनी दिसत आहे. मराठी तरुण त्याठिकाणी येतो आणि गाडीवरील कपडा हटवतो. ही कारही भगव्या रंगाची आहे. सर्वात सुंदर म्हणजे या गाडीवर कोरलेला छत्रपती शिवरायांचा फोटो. हा फोटो पाहून प्रत्येक शिवभक्ताला अभिमान वाटेल, अशीच ही आलिशान गाडी दिसत आहे. हा व्हिडिओ पाहिल्यानंतर नेटकऱ्यांनी जोरदार प्रतिक्रिया दिल्या आहेत. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
