Viral Video : धक्कादायक! विद्यार्थ्यांच्या जेवणात आढळला जिंवत उंदीर; विद्यापीठातील कँटिनमधील किळसवाणा प्रकार, पाहा VIDEO

अनेक दिवसांपासून सोशल मीडियावर खाद्यपदार्थां संबंधित बरेच खळबळजनक व्हिडिओ व्हायरल होत आहेत. हेच व्हायरल होत असलेले व्हिडिओ पाहून बाहेरील पदार्थ खावे की नाही असे प्रश्न उपस्थिक राहतात. मात्र पुन्हा एकदा अन्नपदार्थांसंबंधित एक धक्कादायक व्हिडिओ सोशल मीडियावर व्हायरल झाला आहे. हा व्हिडिओ एका हैदराबादमधील एका विद्यापीठाच्या मेसमध्ये केल्या जाणाऱ्या चटणीत जींवत उंदीर आढळून आलेला आहे. सध्या सर्वत्र या घटनेने मोठी खळबळ उडाली असून व्हिडिओची नेटकऱ्यांमध्ये मोठी चर्चा होत आहे.

मिळालेल्या माहितीनुसार व्हायरल (Viral )असलेला हा प्रकार हैदराबादच्या सुलतानपूर येथील जवाहरलाल नेहरु टेक्नॉलॉजिकल युनिव्हर्सिटीच्या मेसमधील आहे. ज्या वेळेस या युनिव्हर्सिटीमधील विद्यार्थी मेसमध्ये जातात तेव्हा विद्यार्थ्यांना खाण्यास देण्यात येणाऱ्या चटणीमध्ये उंदीर पोहताना आढळला. चटणीमध्ये उंदीर दिसताच विद्यार्थ्यांना धक्का बसतो. सर्व धक्कादायक प्रकार त्याच युनिव्हर्सिटीमधील विद्यार्थ्यांनी मोबाईलमध्ये कैद केलाय.

या घटनेनंतर विद्यार्थ्यांनी व्हिडिओ(Video ) सोशल मीडियावर शेअर केला असून तो आता मोठ्या प्रमाणात व्हायरल होत आहे. हा व्हिडिओ सोशल मीडिया प्लॅटफॉर्म एक्सवरील @IndianTechGuide अकाउंटवर शेअर होत आहे. याआधी अन्नपदार्थांमध्ये विविध गोष्टी आढळून आलेले व्हिडिओ व्हायरल झाले आहे. त्या व्हिडिओत कधी सांबारमध्ये मेलेला उंदीर तर कधी आइस्क्रीममध्ये मानवी बोट असे प्रकार समोर येत आहेत.

हैदराबाद येथे असणाऱ्या युनिव्हर्सिटीमधील विद्यार्थ्यांमध्ये संतापाची लाट उसळली असून व्हिडिओ सोशल मीडियावर व्हायरल होताच अनेक नेटकऱ्यांकडूनही संतापजनक प्रतिक्रिया या धक्कादायक प्रकारावर येत आहेत त्यातील पहिला यूजर्संने कमेंट बॉक्समध्ये लिहिले आहे की,' विद्यार्थ्यांच्या जीवनाशी अशा प्रकारे खेळ केला जातोय, जिथे वसतिगृहे विद्यार्थ्यांचे सुरक्षित ठिकाण मानले जाते तिथेच असे प्रकार घडत आहेत,' तर आणखी एका यूजर्सने लिहिले आहे की,'या प्रकाराबद्दल लवकरात लवकर कारवाई (action)करण्यात यावी'.