गाझियाबादमध्ये एका ई-रिक्षा चालक महिलेने पोलीस उपनिरीक्षकाला भररस्त्यात मारहाण केली आहे. या मारहाणीचा व्हिडीओ सोशल मीडियावर व्हायरल झाला आहे. महिलेने पोलिसाची कॉलर पकडून चप्पलेने बेदम चोप दिला आहे. यावेळी रस्त्यावर बघ्यांची मोठी गर्दी जमा झाली होती. या प्रकरणी पोलिसांत तक्रार दाखल केल्यावर महिलेसह ई-रिक्षा ताब्यात घेण्यात आली आहे. (Latest Marathi News)
इंदिरापुर पोलीस स्टेशन हद्दीतील राष्ट्रीय महामार्ग ९ येथे असलेल्या कानवानी-पुस्ता रोडवर ही घटना घडली. महिला आणि पोलिसात वाद सुरू असताना अनेकांनी तेथे घोळका केला होता. त्यातील काहींनी घटनेचा व्हिडीओ देखील रेकॉर्ड केला आहे. व्हिडीओमध्ये तुम्हीही पाहू शकता की, महिला सारखी पोलिसाच्या अंगावर धावून जात आहे. मारहाण सुरू असताना तू येथून निघून जा असं पोलीस तिला म्हणत आहेत. मात्र ही महिला जराही ऐकण्यास तयार नाही. महिलेने पोलिसाला बेदम चपलेने चोप दिलाय.
महिलेने असं का केलं?
इंदिरापुरम क्षेत्राचे वाहतूक निरीक्षक योगेश पंत यांनी दिलेल्या माहितीनुसार, ई-रिक्षा चालक महिला कानवणी-पुस्ता रस्ता येथे प्रवासी भाडे घेण्यासाठी उभी होती. हा रस्त अरूंद असल्याने तिला रिक्षा दुसरीकडे लावण्यास सांगितले. रस्ता अरुंद असल्याने यावर नागरिकांना चालण्यासाठी जागा मिळत नाही, तसेच वाहतूक कोंडी होते. त्यामुळे महिलेला असं सांगण्यात अलं होतं.
मात्र महिलेन पोलिसाचे म्हणणे न ऐकता ऑन ड्यूटीवर असताना पोलिसांवर हात उगारला. भररस्त्यात त्यांना चपलेने मारहाण केली. ही घटना घडत असताना इतर कोणतीही व्यक्ती मध्ये पडली नाही. कोणीही मदतीसाठी किंवा भांडण थांबवण्यासाठी मध्ये पडले नाही. पोलिसांनी या महिलेला ताब्यात घेतलं असून तिच्यावर पुढील कारवाई सुरू आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.