विद्यार्थ्यांना आता सरकार स्कूटी देणार आहे...तेही मोफत...असा मेसेज व्हायरल होतोय...कारण, आता कॉलेज सुरू झालीयत...त्यामुळे खरंच आता विद्यार्थ्यांना सरकार मोफत स्कूटी देणार आहे का...? कारण, स्कूटी चालवण्यासाठी लायसन्स लागतं...आणि लायसन्ससाठी 18 वर्ष पूर्ण असायला हवं...त्यामुळे कोणत्या विद्यार्थ्यांना स्कूटी मिळणार आहे...? सरकारची अशी कोणती योजना आहे? याची सत्यता जाणून घेणं गरजेचं आहे...त्यामुळे आम्ही याची पडताळणी सुरू केली...त्याआधी मेसेजमध्ये काय दावा केलाय पाहुयात...
पंतप्रधान फ्री स्कूटी योजनेच्या माध्यमातून सरकार विद्यार्थ्यांना कॉलेजमध्ये जाण्यासाठी फ्री स्कूटी देणार आहे. यासाठी ऑनलाईन अर्ज करता येईल.
हा मेसेज व्हायरल होत असल्याने याची सत्यता जाणून घेण्यासाठी आमच्या व्हायरल सत्य टीमने पडताळणी सुरू केली...विद्यार्थ्यांना स्कूटी मिळणार असेल तर ती कशी मिळणार...? त्यासाठी अर्ज कुठे करायचा? हे सांगणं गरजेचं आहे...आमच्या टीमने सरकारकडून माहिती मिळवली...त्यावेळी काय सत्य समोर आलं पाहुयात...
विद्यार्थ्यांसाठी केंद्राची स्कूटी वाटपाची योजना नाही
सरकार विद्यार्थ्यांना स्कूटी देणार हा दावा खोटा
मेसेज पाहून त्यावर लगेच विश्वास ठेवू नका
योजनेसाठी कोणत्याही लिंकवर क्लिक करू नये
हा मेसेज विद्यार्थ्यांची दिशाभूल करण्यासाठी व्हायरल केला जातोय. अर्ज भरण्यासाठी लिंकही पाठवल्या जातात. त्यामुळे लिंकवरही क्लिक करू नका, फसवणूक करणारे असे मेसेज व्हायरल करत असतात...आमच्या पडताळणीत विद्यार्थ्यांना सरकार मोफत स्कूटी देणार असल्याचा दावा असत्य ठरलाय...शिवाजी शिंदे साम टीव्ही मुंबई
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.