Maharashtra Politics : शिवसेनेच्या वर्धापनाच्या दिवशीच उद्धव ठाकरेंना मोठा धक्का; दोन शिलेदार साथ सोडणार

Uddhav Thackeray News : शिवसेनेच्या वर्धापनाच्या दिवशीच उद्धव ठाकरेंना मोठा धक्का बसलाय. मुंबईतील तीन माजी नगरसेवक शिंदेंच्या शिवसेनेत प्रवेश करणार आहेत.
Uddhav Thackeray News update
Uddhav Thackeray Newssaam tv
Published On

आगामी स्थानिक स्वराज्य संस्थांच्या निवडणुकीमुळे मुंबईसह राज्यात राजकीय घडामोडींना वेग आला आहे. मुंबईत शिवसेनेच्या दोन्ही गटाने मोर्चेबांधणीला सुरुवात केली आहे. याच दोन्ही शिवसेनेचा आज मुंबईत वर्धापन दिन साजरा होणार आहे. दोन्ही शिवसेना आज शक्तिप्रदर्शन करण्याची शक्यता आहे. त्यामुळे मुंबईचं राजकीय वातावरण तापलं आहे. या वर्धापनाच्या दिवशीच उद्धव ठाकरेंना मोठा धक्का बसला आहे. ठाकरेंचे दोन नगरसेवक एकनाथ शिंदे यांच्या शिवसेनेत प्रवेश करणार आहेत.

Uddhav Thackeray News update
Israel Iran Conflict : 'खोमेनींना आत्ताच मारणार नाही'; विनाअट शरण या, अमेरिकेचा इराणला दम, VIDEO

मीडिया रिपोर्टनुसार, एकनाथ शिंदे यांची शिवसेना आगामी स्थानिक स्वराज्य संस्थाच्या निवडणुकीसाठी सज्ज झाली आहे. शिंदे यांच्या शिवसेनेचं मुंबई महापालिकेच्या निवडणुकीकडे विशेष लक्ष असणार आहे. त्यामुळे दोन्ही शिवसेनेसाठी मुंबई महापालिकेची निवडणूक प्रतिष्ठेची असणार आहे. त्यात दोन्ही गटाचे कार्यकर्ते वर्धापनाच्या दिवशी शक्तिप्रदर्शनाची तयारी करत असताना उद्धव ठाकरेंना मोठा धक्का बसला आहे. ठाकरेंच्या मातोश्रीच्या बैठकीत उपस्थित असलेले दोन माजी नगरसेवक आज शिंदेंच्या शिवसेनेत प्रवेश करणार आहेत. तर शरद पवारांच्या राष्ट्रवादी काँग्रेसचा एक माजी नगरसेवक शिंदे गटात प्रवेश करणार आहे.

Uddhav Thackeray News update
Jejuri Morgaon Accident : जेजुरीत अपघाताचा थरार! ८ जणांचा जागीच मृत्यू, मृतांची नावे आली समोर

उद्धव ठाकरे यांनी बुधवारी मातोश्रीवर माजी नगरसेवकांची बैठक आयोजित केली होती. या बैठकीत उपस्थित राहिलेले दोन माजी नगरसेवक एकनाथ शिंदेंना साथ देणार आहे. ठाकरेंचे दोन आणि शरद पवार गटाचा एक असे मिळून तीन माजी नगरसेवकांचा आज गुरुवारी शिंदे गटात पक्षप्रवेश होणार आहे. शिंदे गटाच्या वर्धापनाच्या सोहळ्यात पक्षप्रवेश होणार आहे.

Uddhav Thackeray News update
Nalasopara News : नालासोपाऱ्यात मनसैनिकांचा राडा; महिला कार्यकर्त्यांकडून शाळेच्या संचालिकेला मारहाण, व्हिडिओ

गेल्या अनेक दिवसांपासून या माजी नगरसेवकांचा शिंदे गटाच्या नेत्यांसोबत बैठका सुरु होत्या. त्यानंतर त्यांनी हा निर्णय घेतला आहे. दुसरीकडे उद्धव ठाकरे यांच्या उपस्थितीत काल माजी नगरसेवकांची बैठक झाली. या बैठकीत पक्षाला बळ देण्यासाठी काय गरज आहे, याविषयी ठाकरेंनी चर्चा केली. उद्धव ठाकरे यांच्या मार्गदर्शनानंतर पक्षाला लागलेली गळती थांबेल, असं बोललं जात होतं. मात्र, बैठकीच्या दुसऱ्याच दिवशी उद्धव ठाकरेंना मोठा धक्का बसला आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com