Viral Video: PM मोदींच्या स्वागतासाठी दादा भुसेंचं तीन पावले नृत्य; पाहा व्हिडिओ

Nashik:

पंतप्रधान नरेंद्र मोदी आज (12 जानेवारी) सकाळी महाराष्ट्रात दाखल झाले. यावेळी पहिल्यांदाच मोदींनी नाशिकमध्ये रोड शो केला. त्यांच्या स्वागतासाठी भाजपकडून ढोल ताशांसह आतिषबाजी करण्यात आली. यावेळी नागरिकांनी देखील रोड शो पाहण्यासाठी गर्दी केली होती. अशात मोदींच्या स्वागतातील एक व्हिडीओ सोशल मीडियावर चांगलाच व्हायरल झाला आहे.

पंतप्रधान मोदींनी यावेळी श्री काळाराम मंदिराचंही दर्शन घेतलं. येथे सार्वजनिक बांधकाम मंत्री दादा भुसे देखील उपस्थित होते. पंतप्रधानांच्या स्वागतासाठी त्यांनी जय्यत तयारी केली होती. यावेळी दादा भुसे यांनी तीन पावली नृत्य सादर केलं.

डफलीच्या तालावर भुसेंनी चांगलाच ठेका धरला होता. दादा भुसे यांच्या तीन पावली नृत्याचा व्हिडीओ अनेकांनी आपल्या कॅमेऱ्यात कैद केला आहे. आता हा व्हिडीओ सोशल मीडियावर जोरदार व्हायरल होतोय.

पंतप्रधान नरेंद्र मोदींसह आज नाशिक रोड शोमध्ये मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार हेही दिसले. पंतप्रधान मोदी यांनी देशातील सर्वात लांब पुल अटल सेतूचे उद्घाटन देखील केले. तसेच गोदावरी नदीच्या काठावर असलेल्या रामकुंडावर प्रार्थना केली. यासोबतच पंतप्रधान मोदींनी श्री काळाराम मंदिरात पोहोचून पूजा केली.