Crab Attack On Girl: नाद करा पण खेकड्याचा कुठं; नांग्यानी थेट पोरीचे केसच धरले, पुढे काय घडलं? पाहा VIRAL VIDEO

Viral Video: पावसाळा सुरू होताच रानात रानभाज्या येतात. अनेक व्यक्ती या भाज्या आवडीने खातात. पावसाळ्यात मासेमारी बंद असते. त्यामुळे अनेक व्यक्ती पावसाळ्यात येणाऱ्या खेकड्यांवर ताव मारतात. अशात सध्या सोशल मीडियावर एका खेकड्याच्या मजेशीर व्हिडिओ व्हायरल झाला आहे. (Latest Viral Video)

खेकडा खायला जितका चमचमीत लागतो तितकाच तो पकडणे कठीण असते. खेकड्याने आपल्या नाग्यांनी एकदा का कुणाला पकडलं तर सोडता सोडत नाही. खेकड्याचे नांगे इतके मजबूत असतात की ते एखाद्याला रक्तबंबाळ देखील करू शकतात.

अशात व्हायरल होत असलेल्या व्हिडीओमध्ये दिसत आहे की, एक मुलगी आपल्या घरी खेकडे आणल्याने खूप खुश होते. खेकडे खाण्यासाठी ती त्यांच्या जवळ जाते. अशात खेकड्याजवळ जाताच तो या मुलीचे केस पकडतो. केस पकडल्याने ती फार घाबरते. आता आपली सुटका नाही असं समजून ही मुलगी रडू लागते.

कुटुंबातील अन्य काही व्यक्ती या मुलीला खेकड्याच्या तावडीतून सोडवण्याचा प्रयत्न करत असतात. मात्र खेकडा इतका जिद्दी की तो तिचे केस सोडता सोडत नाही. सध्या हा व्हिडिओ सोशल मीडियावर तुफान व्हायरल झाला आहे. नेटकरी देखील यावर हसण्याचे इमोजी पाठवत आहेत. व्हिडिओ पोस्ट करत डोक्यावर बसली चिंबोरी असं यावर लिहिण्यात आलं आहे. तसेच काही नेटकऱ्यांनी खेकडे खाताना आणि पकडताना काळजी घेण्याचे आवाहन केले आहे.